Handbolti

Svíar rétt mörðu Slóvena eftir skelfilegan síðari hálfleik

Stefán Árni Pálsson skrifar
Niclas Ekberg var með fjögur mörk í kvöld.
Niclas Ekberg var með fjögur mörk í kvöld. vísir/getty

Svíar unnu góðan sigur, 23-21, á Slóvenum á Evrópumótinu í handknattleik sem fram fer í Póllandi um þessar mundir.

Svíar byrjuðu leikinn virkilega vel og náði góðum tökum á leiknum en staðan var 16-9 í hálfleik. Í síðari hálfleiknum kom allt annað slóvenskt lið til leiks og Svíar voru einnig í stökustu vandræðum.

Gott forskot sænska liðsins í hálfleik tryggði þeim að lokum nauman sigur, 23-21, en tæpara mátti það ekki standa.

Svíar skoruðu aðeins sjö mörk í síðari hálfleiknum. Niclas Ekberg gerði fjögur mörk fyrir Svía í kvöld en Matej Gaber var með fimm fyrir Slóvena.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira