Innlent

Hakakrosstöflur og hvítt efni í poka á heimili ökumanns

Birgir Olgeirsson skrifar
Á heimili ökumannsins fundust ýmis tól og tæki sem gáfu til kynna að þar færi fram pökkun og sala fíkniefna.
Á heimili ökumannsins fundust ýmis tól og tæki sem gáfu til kynna að þar færi fram pökkun og sala fíkniefna. Vísir/Stefán

Lögreglan á Suðurnesjum haldlagði talsvert magn fíkniefna í vikunni í kjölfar þess að ökumaður hafði verið handtekinn, grunaður um akstur undir áhrifum fíkniefna. Sýnatökur á lögreglustöð staðfestu neyslu hans á metamfetamíni og kannabis. Við öryggisleit á farþega sem var í bifreiðinni fannst mikið magn kannabisefna í buxum hans. Hann var einnig handtekinn. Þá kom í ljós að bifreiðin var á skráningarnúmerum sem hafði verið  stolið af annarri bifreið fyrir nokkru.

Í framhaldinu var gerð húsleit á dvalarstað ökumannsins, að fenginni heimild til húsleitar. Þar fundust hakakrosstöflur, hvítt efni í krukku. Einnig hvítt efni í plastpoka og meintir sterar.  Jafnframt ýmis tól og tæki sem gáfu til kynna að þar færi fram pökkun og sala fíkniefna.

Ökumaðurinn játaði eign sína á efnunum og stuld á skráningarnúmerum af bifreið í Reykjavík.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira