Handbolti

Ólafur inn fyrir Kára Kristján

Eiríkur Stefán Ásgeirsson skrifar
Kári Kristján í leiknum gegn Noregi.
Kári Kristján í leiknum gegn Noregi. Vísir/Valli

HSÍ tilkynnti í morgun að Aron Kristjánsson hafi nýtt sína fyrstu breytingu á íslenska landsliðshópnum á EM í Póllandi.

Ólafur Guðmundsson, sem var ekki tilkynntur í 16 manna leikmannahóp Íslands fyrir leikinn gegn Noregi á föstudaginn, hefur nú verið kallaður inn í hópinn á kostnað línumannsins Kára Kristjáns Kristjánssonar.

Aron verður því með tvo línumenn í hópnum gegn Hvíta-Rússlandi í dag, þá Vigni Svavarsson og Róbert Gunnarsson.

Sjá einnig: Snorri: Tek bekkjarsetunni eins og maður

Aron má enn gera tvær breytingar á liði sínu á meðan mótinu stendur í Póllandi og verður því Kári Kristján áfram úti með liðinu, þar sem hann gæti verið kallaður aftur inn í hópinn síðar.

Kári Kristján nýtti eina skotið sitt í sigrinum á Noregi en þeir Róbert og Vignir skoruðu báðir tvö mörk úr tveimur skotum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira