Fótbolti

Ólafur og félagar unnu með marki á lokamínútunum

Stefán Árni Pálsson skrifar
Ólafur í leik með Genclerbirligi.
Ólafur í leik með Genclerbirligi. vísir/afp

Ólafur Ingi Skúlason og félagar í Genclerbirligi náðu í frábæran sigur, 3-2, á Rizespor í tyrknesku úrvalsdeildinni í knattspyrnu í dag.

Sercan Kaya kom heimamönnum í Rizespor yfir í leiknum og kom markið eftir tíu mínútna leik. Tíu mínútum síðar jafnaði Bogdan Stancu fyrir Genclerbirligi og aðeins þrem mínútum eftir það kom Ahmet Yilmaz Calik liðinu yfir 2-1.

Þannig var staðan í hálfleik en það var Leonard Kweuke sem jafnaði metin fyrir heimamenn úr vítaspyrnu.  Það var síðan Djalma sem skoraði sigurmarkið á 88. mínútu og tryggði Genclerbirligi ótrúlega mikilvægan sigur.

Genclerbirligi er í 15. sæti deildarinnar með 16 stig og því komið úr fallsætinu. Rizespor er í því níunda með 24 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira