Fótbolti

AC Milan kærir leikmann fyrir að ljúga til um aldur

Tómas Þór Þórðarson skrifar
Hversu gamall er Yusupha Yaffa?
Hversu gamall er Yusupha Yaffa? vísir/getty

Ítalska fótboltafélagið AC Milan ætlar að kæra fyrrverandi leikmann sinn fyrir að ljúga til um aldur. Hann sagðist vera níu árum yngri en hann er í raun og veru. The Telegraph greinir frá.

Yusupha Yaffa, sem spilar fyrir MSC Duisburg í Þýskalandi í dag, kom til Ítalíu árið 2009 sem flóttamaður frá Gambíu.

Ef AC Milan hefur rétt fyrir sér var Yaffa 22 ára þegar hann kom til Ítalíu en komst upp með að segja yfirvöldum þar í landi að hann væri í raun og veru þrettán ára.

Yaffa sagði nokkrum sinnum á meðan dvöl hans hjá AC Milan stóð að hann glataði skilríkjum sínum þegar hann fluttist frá Gambíu.

Það komst upp um drenginn þegar hann tjáði sig um menntun sína, en hún stemmdi ekki við aldurinn. Þá hafa nokkrir fyrrverandi skólafélagar hans sagt hann vera að ljúga til um aldur á Facebook.

Lögfræðingur Yaffa er að reyna að fá málið fært niður í unglingadómstól þar sem Yaffa heldur því fram að hann hafi komið sem táningur til Ítalíu.




Fleiri fréttir

Sjá meira