Körfubolti

"Ég er kominn heim“ sungið á táknmáli

Tómas Þór Þórðarson skrifar

Lagið Ég er kominn heim eftir E. Kalmån við texta Jóns Sigurðssonar er orðið óobinbert lag íslensku landsliðanna í boltagreinum.

Stuðningsmenn karlalandsliðsins í körfubolta sungu lagið eftir síðasta leik liðsins á EM í Berlín síðasta sumar og vakti það mikla athygli.

Lagið var svo spilað á Laugardalsvellinum þegar karlalandsliðið í fótbolta komst á EM í fyrsta sinn og eftir sigur handboltalandsliðsins gegn Noregi á EM sungu stuðningsmenn íslenska liðsins og leikmenn lagið saman eftir leik.

Körfuknattleikssamband Íslands og Félag hernarlausra unnu saman að myndbandi við lagið, en hugmyndin að verkefninu kom frá Björgu Hafsteinsdóttur, fyrrverandi landsliðskonu Íslands.

Hulda Halldórsdóttir syngur lagið á táknmáli ásamt leikmönnum úr A-landsliði karla og kvenna; þeim Auði Írisi Ólafsdóttur, Bryndísi Guðmundsdóttur, Helenu Sverrisdóttur, Pálínu Gunnlaugsdóttur, Hauki Helga Pálsyni, Ragnari Natanaelsyni og Ægi Þór Steinarsyni.

Myndbandið má sjá hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira