Handbolti

Rússar lögðu lærisveina Dujshebaev

Tómas Þór Þórðarson skrifar
Timur Dibirov í leiknum í dag.
Timur Dibirov í leiknum í dag. vísir/epa

Rússar opnuðu D-riðil EM 2016 í handbolta upp á gátt með flottum sigri á Ungverjalandi í dag, 27-26.

Rússar töpuðu fyrsta leik fyrir Guðmundi Guðmundssyni og lærisveinum hans í danska liðinu á meðan strákarnir hans Talant Dujshebaev unnu Svartfellinga með fimm marka mun.

Rússar voru fjórum mörkum yfir í hálfleik, 14-10, en Ungverjar skoruðu fjögur af fimm fyrstu mörkum seinni hálfleiks og minnkuðu muninn í eitt mark, 15-14.

Rússneska liðið náði aftur undirtökunum í leiknum og var mest fimm mörkum yfir, 24-10, en Ungverjarnir neituðu að gefast upp.

Ungverjar minnkuðu muninn í tvö mörk, 24-22, þegar sex mínútur voru eftir en Rússarnir voru sterkari á lokasprettinum og unnu mikilvægan sigur, 27-26.

Guðmundur og danska liðið mætir Svartfjallalandi í kvöld og getur tryggt sig inn í milliriðla með sigri.

Hornamaðurinn magnaði, Timur Dibirov, leikmaður Vardar í Makedóníu, var markahæstur Rússa með sex mörk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira