Handbolti

Rúmenskir dómarar í kvöld

Henry Birgir Gunnarsson skrifar
Hér eru Stefan og Stark í eldlínunni.
Hér eru Stefan og Stark í eldlínunni.

Það verða reyndir dómarar frá Rúmeníu sem stýra umferðinni í stórleik Íslands og Króatíu á EM í kvöld.

Þeir heita Bogdan Nicolae Stark og Romeo Mihai Stefan. Stefan og Stark hafa verið lengi í eldlínunni.

Þeir dæmdu á síðasta EM og eru reglulegu dómarar á leikjum í Meistaradeild Evrópu. Fyrst dæmdu þeir saman í Evrópukeppni árið 2006 og hafa því verið lengi í eldlínunni.

Stefan og Stark dæma mikið og meðal annars eru þeir duglegir að dæma í strandhandbolta. Þeir hafa einu sinni dæmt hjá Íslandi á EM áður en það var í Danmörku fyrir tveim árum síðan. Þeir dæmdu þá leik Íslands og Austurríkis sem Ísland vann, 33-27.

Við skulum vona að þeir verði í sínu besta formi í kvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira