Handbolti

Fyrsta markmiðið er að komast í undanúrslitin í Póllandi

Kristinn Páll Teitsson skrifar
Guðmundur Guðmundsson, þjálfari danska landsliðsins.
Guðmundur Guðmundsson, þjálfari danska landsliðsins. Vísir/getty

Guðmundur Guðmundsson, þjálfari danska landsliðsins í handbolta, segir að fyrsta markmiðið liðsins fyrir EM í Póllandi sé að komast að minnsta kosti í undanúrslitin.

Danmörk hefur tvívegis hampað titlinum á EM í handbolta á undanförnum átta árum en fékk skell í úrslitaleiknum gegn Frakklandi á heimavelli síðast þegar mótið var haldið.

Guðmundur varð fyrir áfalli á dögunum þegar Rene Toft Hansen sleit krossband en hann er algjör lykilmaður í vörn danska landsliðsins og þurfti liðið á honum að halda á Evrópumótinu í Póllandi.

„Við héldum liðsfund í gær og fyrsta markmið liðsins er ennþá það sama. Við ætlum okkur að koma okkur í undanúrslitaleikinn og það breyttist ekkert þegar Rene meiddist. Við þurfum að notast við aðra leikmenn í hans stað. Við þurfum að byrja mótið vel og þá komumst við vonandi í milliriðilinn í góðri stöðu.“


Tengdar fréttir

Áfall fyrir bæði Guðmund og Alfreð

René Toft Hansen, lykilmaður Kiel og danska landsliðsins, meiddist á hné í leik Kiel og Bergischer í þýsku úrvalsdeildinni í handbolta og óttast er að meiðslin séu alvarleg.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira