Fótbolti

Æfingarnar hjá Manchester United voru of auðveldar

Kristinn Páll Teitsson skrifar
Einn af bestu miðjumönnum heimsins í dag, Paul Pogba.
Einn af bestu miðjumönnum heimsins í dag, Paul Pogba. Vísir/getty

Paul Pogba, leikmaður Juventus og franska landsliðsins í fótbolta, segir að æfingarnar hjá Juventus séu einfaldlega á öðru plani en hjá Manchester United.

Pogba sem gekk til liðs við Juventus frá Manchester United árið 2012 á frjálsri sölu er einn eftirsóttasti leikmaður heims enda talinn einn af bestu miðjumönnum heimsins aðeins 22 ára gamall.

Pogba greindi frá því á sínum tíma að hann hefði ákveðið að yfirgefa Manchester United á sínum tíma og ganga til liðs við Juventus til þess að fá fleiri tækifæri eftir að hafa aðeins leikið sjö leiki í treyju Manchester United.

„Ég hef aldrei kynnst öðrum eins æfingum og hjá Juventus. Metnaður leikmannana fyrir æfingunum er ótrúlegur. Ég var hjá Manchester United á sínum tíma og þegar ég hugsa til baka líður mér eins og ég hafi verið í sumarfríi á æfingunum þar.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira