Enski boltinn

Messan: Synd að Martial sé notaður á vængnum

Henry Birgir Gunnarsson skrifar

Strákarnir í Messunni eru ansi skotnir í Frakkanum unga hjá Man. Utd, Anthony Martial, og mærðu hann í síðasta þætti.

„Hans fyrsta hugsun er alltaf að sækja á markið. Hann er mjög beinskeyttur. Auðvitað á hann eftir að læra hvenær eigi að gefa hann á réttum tíma og allt það,“ sagði Arnar Gunnlaugsson.

„Hann er farinn að finna sér betri stöður inn á vellinum en áður. Það er lítið mál að fá boltann og gera einhverjar kúnstir en þú verður að gera það á réttum stöðum á vellinum,“ bætti Arnar við.

Martial er leikmaður sem horfir fram á völlinn og veður ítrekað áfram með boltann.

„Við sjáum þetta ekki mikið hjá Man. Utd. Mér finnst svolítil synd þegar hann er notaður út á vængnum því mér finnst hann bestur þegar hann er fremstur,“ segir Þorvaldur Örlygsson.

Innslagið má sjá hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira