Enski boltinn

Fleiri en Katrín Ómarsdóttir yfirgefa Liverpool-liðið

Óskar Ófeigur Jónsson skrifar
Fara Williams.
Fara Williams. Vísir/Getty

Katrín Ómarsdóttir samdi við enska úrvalsdeildarliðið Doncaster Rovers en hún hefur spilað með Liverpool undanfarin þrjú tímabil.

Það var þegar orðið ljóst að Katrín yrði ekki áfram hjá Liverpool en hún varð tvisvar sinnum Englandsmeistari með félaginu á þessum þremur árum.

Katrín er langt frá því að vera eina landsliðskonan sem er á leið frá Liverpool því enska landsliðskonan Fara Williams skrifaði í dag undir tveggja ára samning við Arsenal. Þær hafa spilað saman á miðju Liverpool-liðsins undanfarin ár.

Fara Williams tryggði enska landsliðinu bronsið á HM í Kanada síðasta sumar og er sú sem hefur spilað flesta landsleiki fyrir England eða 148 leiki.

Fara Williams vann enska titilinn með Katrínu 2013 og 2015 en þessi 31 árs gamli miðjumaður hefur einnig spilað með Chelsea, Charlton og Everton.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira