Fótbolti

Steve Nash kaupir fótboltalið á Spáni

Óskar Ófeigur Jónsson skrifar
NBA-goðsögnin Steve Nash.
NBA-goðsögnin Steve Nash. Vísir/Getty

NBA-goðsögnin Steve Nash ásamt eiganda Phoenix Suns hafa keypt saman ráðandi hlut í spænska fótboltafélaginu Real Mallorca.

Real Mallorca tilkynnti það í dag að Nash og Robert Sarver, eigandi Suns, hafi keypt hluti í félaginu fyrir meira en 20 milljónir evra eða meira en 2,8 milljarða íslenskra króna. Andy Kohlberg, varastjórnarformaður Phoenix Suns er líka með í fjárfestingahópnum.

Steve Nash er líka einn af eigendum kanadíska fótboltafélagsins Vancouver Whitecaps FC en hann er mikill fótboltaáhugamaður.

Real Mallorca spilaði í spænsku úrvalsdeildinni í sextán tímabil í röð þar til að félagið féll vorið 2013. Félagið endaði í sextánda sæti spænsku b-deildarinnar á síðasta tímabili en er eins og er í 18. Sæti og í mikilli fallbaráttu.

Steve Nash spilaði í NBA-deildinni frá 1996 til 2014 þar af með Phoenix Suns frá 1996-98 og frá 2004 til 2012. Nash var kosinn besti leikmaður deildarinnar 2005 og 2006.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira