Sport

Hlaupaleikurinn á undanhaldi í NFL-deildinni

Henry Birgir Gunnarsson skrifar
Adrian Peterson hljóp lengst allra í deildinni í vetur.
Adrian Peterson hljóp lengst allra í deildinni í vetur. vísir/getty

Það hefur verið talað um það síðustu ár að NFL-deildin sé orðin „kastdeild“ og hlaupaleikurinn sé á undanhaldi. Það sannaðist rækilega í vetur.

Aðeins sjö hlauparar náðu að hlaupa yfir 1.000 jarda á leiktíðinni en það er það lélegast síðan árið 1991. Aðeins tveir komust síðan yfir 1.200 jarda en það voru þeir Adrian Peterson hjá Minnesota (1.485) og Tampa Bay hlauparinn Doug Martin (1.402).

Á móti kemur að tólf leikstjórnendur köstuðu yfir 4.000 jarda á leiktíðinni. Drew Brees hjá New Orleans kastaði lengst allra eða 4.870 jarda.

Það hafa líka aldrei fleiri útherjar náð að grípa bolta fyrir meira en 1.000 jördum. Þeim árangri náðu 26 útherjar í dag en metið var 24. Julio Jones hjá Atlanta þar fremstur í flokki með 1.871 jarda.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira