Enski boltinn

PSG ætlar að bjóða í Hazard sem vill komast frá Chelsea

Tómas þór Þórðarson skrifar
Eden Hazard hefur ekki spilað jafn vel og á síðustu leiktíð.
Eden Hazard hefur ekki spilað jafn vel og á síðustu leiktíð. vísir/getty

Eden Hazard, leikmaður Chelsea í ensku úrvalsdeildinni í fótbolta, vill komast frá liðinu í sumar samkvæmt frétt Daily Mail.

Hazard hefur verið ósáttur í nokkra mánuði hjá ensku meisturunum og átti að hafa sagt sínum nánustu vinum í byrjun leiktíðar að hann vill komast burt af Stamford Bridge.

Frakklandsmeistarar Paris Saint-Germain telja sig leiða kapphlaupið um belgísku stórstjörnuna og ætla að bjóða í hann 45 milljónir punda eftir tímabilið.

Chelsea vill þó fá mun meira fyrir Hazard, en hann verður líklega verðlagður á tvöfalda þá upphæð.

Real Madrid vill einnig ólmt frá Belgann í sínar raðir og hefur verið sagt ætla að bjóða 70 milljónir punda í Hazard sem var kjörinn besti leikmaður ensku úrvalsdeildarinnar á síðustu leiktíð.

Hazard er skugginn af sjálfum sér á þessari leiktíð miðað við þá síðustu, en hann er aðeins búinn að gefa þrjár stoðsendingar í úrvalsdeildinni og ekki skora eitt einasta mark.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira