Sport

Þjálfari Gunnars Nelson gefur út ævisögu sína í sumar

Tómas Þór Þórðarson skrifar
John Kavanagh hefur náð langt í MMA.
John Kavanagh hefur náð langt í MMA. vísir/getty

MMA-þjálfarinn John Kavanagh, sem er bæði þjálfari Gunnars Nelson og Conors McGregors, mun í sumar gefa út ævisögu sína.

Írinn gerði samning við Penguin-bókahúsið sem er stærsti bókaútgefandinn á ensku, en skrifað var undir samninginn í gær.

„Virkilega spenntur fyrir því að hafa skrifað undir samning þess efnis að gefa út ævisögu mína í sumar. Það er hálf óraunverulegt fyrir mig að Penguin hafi komið að máli við mig,“ segir Kavanah á Facebok-síðu sinni.

„Bókin mun fjalla um líf mitt, augljóslega. Sagan verður sögð allt frá barnæsku minni, hvernig ég komst inn í MMA, stofnaði bardagaklúbbinn SB og endaði á því að vinna titla. Á endanum vil ég að fólk þekki mína sögu,“ segir John Kavanagh.

John Kavanagh uppgvötaði Gunnar Nelson á Íslandi fyrir sjö árum og hefur þjálfað hann meira og minna síðan. Hann er, sem fyrr segir, einnig þjálfari írska vélbyssukjaftsins sem er heimsmeistari í fjaðurvigt UFC.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira