Fótbolti

Heimir: Diego er ekki með íslenskt vegabréf

Tómas Þór Þórðarson skrifar
Diego Jóhannesson vill spila fyrir Ísland.
Diego Jóhannesson vill spila fyrir Ísland. vísir/ernir

Heimir Hallgrímsson, annar landsliðsþjálfara Íslands í fótbolta, segir ótímabært að ræða um Diego Jóhannesson, spænska Íslendinginn, sem möguleika í íslenska landsliðið.

Diego, sem er 22 ára gamall og spilar með Real Oviedo í B-deildinni á Spáni, hefur ekki farið leynt með áhuga sinn á að spila fyrir íslenska landsliðið.

Í viðtali við Fréttablaðið í desember sagðist hann vilja spila fyrir Ísland sem Íslendingur en faðir hans er frá Íslandi. Hann hefur búið alla sína ævi á Spáni og talar ekki íslensku.

"Ég hitti þá fegða í desember og þetta virkar afskaplega ljúfur strákur. Hann er bara ekki með íslenskt vegabréf" sagði Heimir á blaðamannafundi landsliðsins í dag.

"Það er því algjörlega ótímabært að ræða þennan leikmann fyrr en hann fær íslenskt vegabréf. Hann er samt bara 22 og spilar í 2. deildinni á Spáni og gæti því verið framtíðar leikmaður fyrir íslenska landsliðið," sagði Heimir Hallgrímsson.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira