Handbolti

Þriggja leikja taphrina franska handboltalandsliðsins á enda

Óskar Ófeigur Jónsson skrifar
Nikola Karabatic.
Nikola Karabatic. Vísir/EPA

Heims-, Evrópu- og Ólympíumeistarar Frakka unnu eins marks sigur á Noregi, 27-26, í fyrsta leiknum á Gullmótinu sem fer fram í Frakklandi á næstu dögum.

Franska landsliðið var búið að tapa þremur síðustu leikjum sínum þar á meðal var einn leikur á móti Íslandi á Gullmótinu í Noregi í nóvember.

Frakkar voru skrefinu á undan alla leikinn og þremur mörkum yfir í hálfleik, 15-12, en norska liðið, sem mætir Íslandi í fyrsta leik á EM, gaf sig ekki og fékk tækifæri til að jafna metin í lokin.

Norðmenn unnu Frakka á Gullmótinu í Osló en urðu að sætta sig við tap í dag. Liðin spila einnig við Danmörku og Katar á þessu móti sem klárast um komandi helgi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira