Körfubolti

Hlynur með frábæran leik í kvöld | Hæsta framlag hans í vetur

Óskar Ófeigur Jónsson skrifar
Hlynur Bæringsson í leik á Eurobasket.
Hlynur Bæringsson í leik á Eurobasket. Vísir/EPA

Hlynur Bæringsson var allt í öllu í kvöld þegar lið hans Sundsvall Dragons vann fimm stiga heimasigur á Luleå, 77-72, í sænska körfuboltanum.

Þetta var þriðji sigur Sundsvall Dragons í röð en liðið er með 11 sigra og 7 töp í fjórða sæti sænsku úrvalsdeildarinnar.

Hlynur skoraði 20 stig, tók 14 fráköst, gaf 3 stoðsendingar og stal 2 boltum í leiknum en hann hitti úr 5 af 9 skotum sínum og 8 af 11 vítum.

Hlynur bar næststigahæstur hjá Drekanum en var aftur á móti efstur í fráköstum, framlagi og stolnum boltum.

Hlynur endaði með 31 framlagsstig sem er það mesta sem hann hefur náð í einum leik. Hlynur hafði einnig aðeins einu sinn skorað tuttugu stig í sænsku deildinni í vetur.

Luleå-liðið var fimm stigum yfir í hálfleik, 40-35, en Drekarnir unnu snéri þessu við í þriðja leikhluta sem Sundsvall-liðið vann 22-13.

Sundsvall náði síðan mest 11 stiga forkosti í fjórða leikhlutanum, 70-59, en gestirnir náðu aðeins að laga stöðuna í lokin.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira