Handbolti

Guðmundur lét varaliðið sjá um seinni hálfleikinn í sigri Dana á Katar

Óskar Ófeigur Jónsson skrifar
Guðmundur Guðmundsson.
Guðmundur Guðmundsson. Vísir/AFP

Danska handboltalandsliðið vann fimm marka sigur á Katar í kvöld, 31-26, í fyrsta leiknum á æfingamótinu í Frakklandi en fyrr í kvöld unnu Frakkar eins marks sigur á Norðmönnum.

Guðmundur Guðmundsson, landsliðsþjálfari Dana, leyfði öllum að spila í þessum leik og varalið Dana spilaði stærsta hluta seinni hálfleiksins.

Danir voru 15-13 yfir í hálfleik þar sem hornamennirnir Anders Eggert og Lasse Svan Hansen voru í fínu formi og saman með 10 mörk úr 12 skotum

Sóknin gekk vel hjá danska liðinu í kvöld en Guðmundur þarf að vinna með vörnina sem var ekki sannfærandi í fjarveru René Toft Hansen.

Gullmótið í Frakklandi er lokaundirbúningur danska liðsins fyrir Evrópumótið í Frakklandi en liðið á eftir að spila við Noreg og Frakklandi um helgina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira