Enski boltinn

Oscar svarar fyrir sig á Twitter og neitar að hafa slegist við Costa

Tómas Þór Þórðarson skrifar
Diego Costa og Oscar eru bestu vinir.
Diego Costa og Oscar eru bestu vinir. vísir/getty

Oscar, leikmaður Chelsea, vísar því til föðurhúsanna að hann hafi slegist við samherja sinn Diego Costa á æfingu liðsins í gær.

Enska blaðið The Telegraph greindi frá því í gær að aðskilja þurfti Oscar og Costa eftir að Brasilíumaðurinn tæklaði Spánverjann illa.

Costa var sagður hafa brugðist illa við og ráðist að Oscari en þeir voru stíaðir í stundur áður en eitthvað gerðist.

Oscar hafði lítinn húmor fyrir fréttflutningi enskra miðla af þessu meinta uppþoti og svaraði fyrir sig á Twitter.

„Þeir sem segja að ég og Costa hafi lent saman á æfingu í dag eru að ljúga. Hann er einn af mínum bestu vinum og við förum aldrei í slag,“ sagði Oscar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira