Innlent

Skaupið sagt lýsa lágkúrulegri grimmd

Jakob Bjarnar skrifar
Jónas segir atriði í Skaupinu, þar sem klippur úr viðtali við Sigurð Einarsson voru teknar úr samhengi, lágkúru.
Jónas segir atriði í Skaupinu, þar sem klippur úr viðtali við Sigurð Einarsson voru teknar úr samhengi, lágkúru.
„Lágkúran sem Ríkissjónvarpið bauð upp á þegar hljóðupptaka með Sigurði Einarssyni, fyrrum stjórnarformanni Kaupþings, var leikin undir sprelli í áramótaskaupinu gefur tilefni til að staldra við og hugleiða á hvaða vegferð við erum í uppgjöri okkar við fall einkabankanna haustið 2008.“

Svo hefst harðorður pistill Jónasar Sigurgeirssonar bókaútgefanda, sem finna má á Vísi, hér. Hann vísar umdeilds atriðis í Áramótaskaupi Ríkissjónvarpinu þar sem notaðar eru klippur úr viðtali við Sigurð skömmu eftir að dómur í málum hans féll. Bogi Ágústsson fréttamaður tók viðtalið þá, og hann lék einnig í atriðinu í Skaupinu.

Jónas er ekki eini maðurinn sem hefur lýst því yfir að atriðið megi heita ósmekklegt, og þannig skrifaði til að mynda Eiríkur Bergmann prófessor um atriðið á sínum Facebookvegg: „Ok, bara svo það sé sagt -- þetta atriði með Sigurði Einarssyni í Skaupinu var glatað. Maður atast ekki í manni á hans lægsta punkti í lífinu, manni sem situr í fangelsi og hefur ekki frelsi til þess einu sinni að svara fyrir sig.“

Jónas er fyrrverandi upplýsingafulltrúi Kaupþings og starfaði á árunum fyrir hrun náið með Sigurði Einarssyni forstjóra Kaupþings.

Jónas segir að nú um áramót hafði Sérstakur saksóknari sent samtals 50 mál tengd falli bankanna í ákærumeðferð. Hann telur ýmislegt benda til þess að dómsstólar séu þátttakendur í skipulagðri aðför á hendur bankamönnum en í grein hans kemur meðal annars fram að þegar hafi „17 bankamenn hlotið fangelsisdóma vegna starfa sinna en út frá þeim málum, sem eiga eftir að fara fyrir dómstóla, má ætla að yfir 40 bankamenn muni hljóta fangelsisdóma. Líklegt er að síðustu dómarnir falli árin 2019–2020 og síðustu afplánunum ljúki árið 2024, en þá verða 15–16 ár liðin frá falli bankanna.“


Tengdar fréttir

„Ég var ekki drukkinn“

Það hvarflaði ekki annað að Sigurði Einarssyni en að hann yrði sýknaður í Al Thani-málinu en hann hlaut fjögurra ára fangelsisdóm.




Fleiri fréttir

Sjá meira


×