Umfjöllun og viðtöl: ÍBV - Fram 27-26 | Ester hetja ÍBV Guðmundur Tómas Sigfússon. skrifar 10. janúar 2016 15:30 Ester Óskarsdóttir. Vísir/Vilhelm Eyjastúlkur unnu í dag sterkan eins marks sigur á Fram í leik um annað sætið í Eyjum. Leiknum lauk 27-26 en hann var mjög kaflaskiptur og í raun spennandi fram á síðustu sekúndu. Fyrir leikinn voru liðin í fjórða og fimmta sæti deildarinnar en með sigrinum lyfti ÍBV sér upp í 2. sætið. Ég held að það sé auðvelt að fullyrða það að ég hef aldrei séð jafn léleg gæði í upphafi leiks og í dag. Skotnýtingin var vægast sagt ömurleg og tæknifeilar á hverju strái. Eftir rúmt korter var Fram fjórum mörkum yfir en þá hafði Guðrún Ósk Maríasdóttir verið gjörsamlega frábær í markinu. Hún hélt uppteknum hætti út allan leikinn og varði alls 26 skot og þar af tvö vítaköst. ÍBV saxaði hægt og þétt á forskotið og með sterkari vörn tókst þeim að jafna leikinn þegar gengið var til búningsherbergja. ÍBV átti frábæran kafla undir lok fyrri hálfleiks og hélt sá kafli áfram í upphafi síðari hálfleiks. Liðið var komið fjórum mörkum yfir eftir 35 mínútur og virtist ekki ætla láta forystuna af hendi. Ester Óskarsdóttir átti frábæran leik hjá ÍBV og var oft lausn ÍBV eftir langar sóknir. Hún gerði tíu mörk í leiknum og fiskaði tvö vítaköst. Ragnheiður Júlíusdóttir var alls ekki síðri hjá Fram en hún gerði þrettán mörk í leiknum og mörg hver af rúmum tíu metrum. Hún kom Fram yfir 25-26 en þá var rúm mínúta eftir og í fyrsta skiptið sem Fram var yfir í síðari hálfleik. Greta Kavaliuskaite fiskaði eitt af sínum þremur vítaköstum í dag í næst síðustu sókn ÍBV en þar skoraði Vera Lopes og jafnaði metin. Það var síðan Ester Óskarsdóttir sem vann leikinn í síðustu sókn ÍBV undir lokin þegar höndin var komin upp hjá dómurum leiksins. Fram náði ekki að jafna metin í síðustu sókn leiksins en þar varði Erla Rós Sigmarsdóttir fjórtánda skot sitt eftir að Ragnheiður Júlíusdóttir stökk upp á þrettán metrunum. ÍBV því eins og áður segir komið upp í 2. sætið en Fram situr enn í fimmta sætinu eftir sigur á Val í síðustu umferð.Hrafnhildur er að gera góða hluti í Eyjum.vísir/valliHrafnhildur Ósk: Hefði verið mér að kenna ef við hefðum tapað „Frábær sigur og þetta varð ótrúlega spennandi, við lendum undir eftir að við erum búnar að koma okkur í þægilega stöðu þá misstum við það niður aftur,“ sagði Hrafnhildur Ósk Skúladóttir, þjálfari ÍBV eftir nauman eins marks sigur á Fram. „Þetta var mjög sveiflukenndur leikur þar sem bæði lið voru með marga tæknifeila og glötuð 100% færi en samt gríðarlega mikilvægur sigur fyrir okkur.“ Guðrún Ósk Maríasdóttir átti stórleik í marki Fram og varði 26 skot, ÍBV átti í erfiðleikum með að koma boltanum framhjá henni. „Sem betur fer fyrir okkur var Erla frábær hjá okkur líka og það bjargar þessu. Klárlega dagur markvarðanna þær voru frábærar báðar tvær.“ Hrafnhildur var skælbrosandi á hliðarlínunni allan leikinn, hvers vegna? „Stebbi er alltaf í ruglinu þarna hinum megin og alltaf eitthvað að kynda undir og gera grín þannig það var Stebba að þakka held ég.“ „Þetta er búin að vera frábær vika, ég var hrædd um að ég hafi keyrt þær of mikið út og þær yrðu þreyttar í dag. Ef við hefðum tapað hefði það pottþétt verið mér að kenna.“ „Ég er á leið á þjálfaranámskeið erlendis og missi af næsta leik og svo kem ég tvíefld til baka.“Stefán Arnarson: Ragnheiður stóð uppúr í dag „Hundsvekktur að tapa hérna, ég er ósáttur við fyrri hálfleikinn. við erum með yfirburði. Klikkum á níu sex metra færum, við hefðum átt að gera mun betur þar og þá er betri staða í hálfleik,“ sagði Stefán Arnarson, þjálfari Fram eftir grátlegt eins marks tap í Eyjum. „ÍBV er sterkari lungað af síðari hálfleik, svo komum við til baka og ég er þokkalega sáttur við það en við áttum að gera betur í dag.“ Fram fékk fimm tveggja mínútna brottvísanir í leiknum en ÍBV ekki eina einustu. Finnst Stefáni halla á Fram í dómgæslu í dag? „Anton og Jónas eru frábærir dómarar en það segir sig sjálft, þegar tvö jöfn lið eru að mætast. Ef þú ert í tíu mínútur einum færri og hitt liðið aldrei þá hefur það klárlega áhrif á leikinn. ÍBV liðið kemst yfir á þessum kafla sem við erum færri,“ sagði Stefán en við þetta má bæta að ÍBV fékk sjö víti gegn einungis þremur hjá Fram. Ragnheiður Júlíusdóttir skoraði þrettán mörk í dag og hélt Fram inni í leiknum á löngum kafla. „Ragnheiður var mjög flott, við erum með marga flotta leikmenn og hún stóð uppúr í dag, það hefðu kannski fleiri leikmenn mátt stíga upp því við getum betur en í dag.“ „Guðrún er búin að eiga frábært tímabil en það dugar ekki þegar við töpum leikjum, sérstaklega á móti sterkari liðunum.“ Olís-deild kvenna Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira
Eyjastúlkur unnu í dag sterkan eins marks sigur á Fram í leik um annað sætið í Eyjum. Leiknum lauk 27-26 en hann var mjög kaflaskiptur og í raun spennandi fram á síðustu sekúndu. Fyrir leikinn voru liðin í fjórða og fimmta sæti deildarinnar en með sigrinum lyfti ÍBV sér upp í 2. sætið. Ég held að það sé auðvelt að fullyrða það að ég hef aldrei séð jafn léleg gæði í upphafi leiks og í dag. Skotnýtingin var vægast sagt ömurleg og tæknifeilar á hverju strái. Eftir rúmt korter var Fram fjórum mörkum yfir en þá hafði Guðrún Ósk Maríasdóttir verið gjörsamlega frábær í markinu. Hún hélt uppteknum hætti út allan leikinn og varði alls 26 skot og þar af tvö vítaköst. ÍBV saxaði hægt og þétt á forskotið og með sterkari vörn tókst þeim að jafna leikinn þegar gengið var til búningsherbergja. ÍBV átti frábæran kafla undir lok fyrri hálfleiks og hélt sá kafli áfram í upphafi síðari hálfleiks. Liðið var komið fjórum mörkum yfir eftir 35 mínútur og virtist ekki ætla láta forystuna af hendi. Ester Óskarsdóttir átti frábæran leik hjá ÍBV og var oft lausn ÍBV eftir langar sóknir. Hún gerði tíu mörk í leiknum og fiskaði tvö vítaköst. Ragnheiður Júlíusdóttir var alls ekki síðri hjá Fram en hún gerði þrettán mörk í leiknum og mörg hver af rúmum tíu metrum. Hún kom Fram yfir 25-26 en þá var rúm mínúta eftir og í fyrsta skiptið sem Fram var yfir í síðari hálfleik. Greta Kavaliuskaite fiskaði eitt af sínum þremur vítaköstum í dag í næst síðustu sókn ÍBV en þar skoraði Vera Lopes og jafnaði metin. Það var síðan Ester Óskarsdóttir sem vann leikinn í síðustu sókn ÍBV undir lokin þegar höndin var komin upp hjá dómurum leiksins. Fram náði ekki að jafna metin í síðustu sókn leiksins en þar varði Erla Rós Sigmarsdóttir fjórtánda skot sitt eftir að Ragnheiður Júlíusdóttir stökk upp á þrettán metrunum. ÍBV því eins og áður segir komið upp í 2. sætið en Fram situr enn í fimmta sætinu eftir sigur á Val í síðustu umferð.Hrafnhildur er að gera góða hluti í Eyjum.vísir/valliHrafnhildur Ósk: Hefði verið mér að kenna ef við hefðum tapað „Frábær sigur og þetta varð ótrúlega spennandi, við lendum undir eftir að við erum búnar að koma okkur í þægilega stöðu þá misstum við það niður aftur,“ sagði Hrafnhildur Ósk Skúladóttir, þjálfari ÍBV eftir nauman eins marks sigur á Fram. „Þetta var mjög sveiflukenndur leikur þar sem bæði lið voru með marga tæknifeila og glötuð 100% færi en samt gríðarlega mikilvægur sigur fyrir okkur.“ Guðrún Ósk Maríasdóttir átti stórleik í marki Fram og varði 26 skot, ÍBV átti í erfiðleikum með að koma boltanum framhjá henni. „Sem betur fer fyrir okkur var Erla frábær hjá okkur líka og það bjargar þessu. Klárlega dagur markvarðanna þær voru frábærar báðar tvær.“ Hrafnhildur var skælbrosandi á hliðarlínunni allan leikinn, hvers vegna? „Stebbi er alltaf í ruglinu þarna hinum megin og alltaf eitthvað að kynda undir og gera grín þannig það var Stebba að þakka held ég.“ „Þetta er búin að vera frábær vika, ég var hrædd um að ég hafi keyrt þær of mikið út og þær yrðu þreyttar í dag. Ef við hefðum tapað hefði það pottþétt verið mér að kenna.“ „Ég er á leið á þjálfaranámskeið erlendis og missi af næsta leik og svo kem ég tvíefld til baka.“Stefán Arnarson: Ragnheiður stóð uppúr í dag „Hundsvekktur að tapa hérna, ég er ósáttur við fyrri hálfleikinn. við erum með yfirburði. Klikkum á níu sex metra færum, við hefðum átt að gera mun betur þar og þá er betri staða í hálfleik,“ sagði Stefán Arnarson, þjálfari Fram eftir grátlegt eins marks tap í Eyjum. „ÍBV er sterkari lungað af síðari hálfleik, svo komum við til baka og ég er þokkalega sáttur við það en við áttum að gera betur í dag.“ Fram fékk fimm tveggja mínútna brottvísanir í leiknum en ÍBV ekki eina einustu. Finnst Stefáni halla á Fram í dómgæslu í dag? „Anton og Jónas eru frábærir dómarar en það segir sig sjálft, þegar tvö jöfn lið eru að mætast. Ef þú ert í tíu mínútur einum færri og hitt liðið aldrei þá hefur það klárlega áhrif á leikinn. ÍBV liðið kemst yfir á þessum kafla sem við erum færri,“ sagði Stefán en við þetta má bæta að ÍBV fékk sjö víti gegn einungis þremur hjá Fram. Ragnheiður Júlíusdóttir skoraði þrettán mörk í dag og hélt Fram inni í leiknum á löngum kafla. „Ragnheiður var mjög flott, við erum með marga flotta leikmenn og hún stóð uppúr í dag, það hefðu kannski fleiri leikmenn mátt stíga upp því við getum betur en í dag.“ „Guðrún er búin að eiga frábært tímabil en það dugar ekki þegar við töpum leikjum, sérstaklega á móti sterkari liðunum.“
Olís-deild kvenna Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira