Enski boltinn

Vítaspyrna í uppbótartíma tryggði United sigur á C-deildarliði

Memphis Depay fiskaði vítaspyrnuna.
Memphis Depay fiskaði vítaspyrnuna. Vísir/Getty

Manchester United tryggði sér sæti í fjórðu umferð ensku bikarsins með marki úr vítaspyrnu í uppbótartíma gegn Sheffield United á Old Trafford, en lokatölur 1-0.

Spilamennska Manchester United var langt frá því að vera ásættanleg og þeir sköpuðu sér varla færi. Þeir stilltu upp mjög sterku liði, en C-deildarliðið hélt þeim í skefjum.

Það voru komnar 92 mínútur á klukkuna þegar Dean Hammond braut á Memphis Depay. Klárt brot og dómarinn dæmdi vítaspyrnu. Wayne Rooney steig á punktinn og skoraði af miklu öryggi.

Lokatölur 1-0, en spilamennskan var varla boðleg. United ekki skorað mark í fyrri hálfleik í síðustu tíu heimaleikjum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira