Golf

Gallalaus Spieth leiðir með fjórum höggum á Hawaii

Það var stuð hjá Spieth á öðrum hring í nótt.
Það var stuð hjá Spieth á öðrum hring í nótt. Getty

Jordan Spieth hefur leikið hreint út sagt ótrúlegt golf á móti meistarana sem fram fer á Hawaii en eftir tvo hringi á Plantation vellinum er hann á 16 höggum undir pari.

Spieth lék hring númer tvö í gær á 64 höggum eða níu undir pari og á fjögur högg á næstu menn sem eru Kevin Kisner, Fabian Gomez og Patrick Reed sem á titil að verja.

Skor keppenda hefur verið mjög gott hingað til og eru allir nema þrír neðstu undir pari en á móti meistarana fá aðeins kylfingar þátttökurétt sem sigruðu í móti á PGA-mótaröðinni á síðasta ári.

Spieth, sem hefur enn ekki fengið skolla í mótinu hingað til, sigraði á fimm mótum í fyrra og er í efsta sæti heimslistans í golfi en hann er greinilega staðráðin í að halda áfram að drottna yfir golfheiminum á nýju ári.

Það verður spennandi að sjá hvort að einhver á séns í hann um helgina en mótið er í beinni útsendingu á Golfstöðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira