Handbolti

Noregur tapaði fyrir lærisveinum Guðmundar

Anton Ingi Leifsson skrifar
Úr leiknum í dag.
Úr leiknum í dag. vísir/getty

Danmörk vann granna sína í Noregi 34-30 á Gullmótinu í Frakklandi í dag, en Norðmenn verða mótherjar Íslands í riðlakeppninni á EM í Póllandi síðar í mánuðinum.

Noregur, Danmörk, Katar og gestgjafarnir Frakkar eru á mótinu og spila þar allir gegn öllum. Danirnir unnu fyrst leik sinn í mótinu gegn Katar á meðan Norðmenn töpuðu með einu marki gegn Frökkum.

Lokatölur urðu eins og fyrr segir fjögurra marka sigur Dana, 34-30, eftir að Danirnir höfðu leitt 17-15 í hálfleik. Annar sigur Dana á mótinu og þeir líta vel út lærisveinar Guðmundar Guðmundssonar.

Mótinu lýkur á morgun, en þá spila Norðmenn gegn Katar. Ísland spilar einmitt fyrsta leik sinn gegn Norðmönnum á Evrópumótinu í Póllandi þann 15. janúar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira