Innlent

Þrettán réttir í Grindavík þriðju vikuna í röð

Jóhann Óli Eiðsson skrifar
Grindvíkingar virðast hafa oftar rétt fyrir sér en aðrir þegar kemur að því að tippa á knattspyrnuúrslit.
Grindvíkingar virðast hafa oftar rétt fyrir sér en aðrir þegar kemur að því að tippa á knattspyrnuúrslit. vísir/vilhelm

Enginn var með allar tölur réttar í íslenska lottóinu þennan laugardaginn og fór aðalvinningurinn því ekki út. Sömu sögu er hægt að segja af bónusvinningnum. Þetta kemur fram í tilkynningu frá Íslenskri getspá.

Einn heppinn aðili var með fjórar tölur réttar í Jókernum og hlýtur hann að launum 100.000 krónur. Vinningsmiðinn var keyptur í Olís við Gullinbrú.

Fjórir aðilar tippuðu rétt á alla leiki enska seðilsins í dag en leikirnir eru alls þrettán. Einn vinningshafinn var hópur frá Grindavík en þetta er þriðja vikan í röð sem einhver frá Grindavík hittir á þrettán rétta.

Tveir vinningshafanna keyptu miða sína á 1X2.is en síðasti vinningshafinn styður Víking Ólafsvík. Hver vinningshafi um sig hlýtur 600.00 krónur í verðlaun.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira