Handbolti

Öruggur sigur hjá Patreki og lærisveinum

Anton Ingi Leifsson skrifar
Patrekur hinn rólegasti meðan lærisveinar hans bíða átekta.
Patrekur hinn rólegasti meðan lærisveinar hans bíða átekta. vísir/afp

Austurríki lenti í engum vandræðum með Ítalíu í undankeppni HM 2017, en lokatölur urðu ellefu marka sigur Austurríki, 30-19. Þetta er í annað skiptið á fjórum dögum sem Austurríki skellir Ítalíu.

Liðin mættust á miðvikudaginn á Ítalíu og þá vann Austurríki þrettán marka sigur, 40-27 eftir að staðan hafi verið 15-9 í hálfleik. Með sigrinum í kvöld eru þeir komnir langleiðina í umspil um laust sæti á HM í Frakklandi.

Patrekur Jóhannesson er þjálfari austurríska landsliðsins, en þetta er fjórði sigur liðsins í riðlinum. Þeir eru með átta stig eftir fjóra leiki, en Rúmenar koma næstir með fjögur stig. Þeir eiga þó leik til góða gegn Finnum á morgun.

Patrekur og lærisveinar eiga eftir að spila gegn Rúmeníu og Finnum, en þeir unnu bæði þessi lið í fyrri leikjum sínum. Einn sigur í viðbót ætti að duga þeim til að koma sér í umspilið - kannski engin sigur ef önnur úrslit falla með þeim, en síðustu umferðirnar verða leiknar síðar í þessum mánuði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira