
Fórnarlömb Dyflinnarkerfisins
Ég hef verið að fylgjast með málum nokkurra einstaklinga frá Afríku sem hafa sótt um alþjóðlega vernd á Íslandi. Mál hvers og eins er sjálfstætt og einstakt en samt eru nokkur atriði sem þau eiga sameiginleg. Annars vegar sóttu allir um hæli áður í öðru Evrópulandi og hins vegar hafa íslensk stjórnvöld ákveðið að vísa þeim á brott eftir tveggja eða þriggja ára dvöl á Íslandi. Einn þeirra er nú þegar búinn að fá dóm frá héraðsdómi sér í óhag. Dómstólum ber að fara eftir núgildandi lögum og ég hef svo sem ekkert um það að segja.
En ég hef mikið að segja um Dyflinnarkerfið sjálft en að mínu mati hefur það allt of marga og veigamikla galla og virkar ekki lengur eins og það ætti að gera. Grikkland og Ítalía geta þar af leiðandi ekki sinnt þeim gríðarlega fjölda flóttamanna sem þar eru. Í Noregi og Svíþjóð er kerfið að verða erfiðara fyrir flóttamenn af pólitískum ástæðum. Noregur er núna að senda flóttafólk aftur til heimalands síns þar sem það á á hættu að verða ofsótt en það er bersýnilega brot á grunnreglunni um „non-refoulement“ sem alþjóðlegi sáttmálinn um réttarstöðu flóttamanna frá 1951 kveður á um.
Á borði þingmanna
Dyflinnarkerfið hvetur aðildarríki til að vanda til verka og fjalla um hælisumsóknir af sanngirni og vandvirkni. En sú er ekki raunin í dag. Samkynhneigður maður frá Afríku eyddi níu árum á Ítalíu og sótti þar um hæli án árangurs, þótt ofbeldi og fordómar í garð samkynhneigðra sé þekkt vandamál í hans heimalandi. Annar maður frá Nígeríu sem misst hafði bróður sinn vegna Boko Haram eyddi tveimur árum í Svíþjóð og sótti þar um hæli án árangurs, þótt allir þekki til voðaverka Boko Haram.
Við þurfum að horfast í augu við þá staðreynd að Dyflinnarkerfið er gallað þó að ég gangi ekki svo langt að segja að það sé alslæmt. Það sem ég tel hvað alvarlegast er að Dyflinnarkerfið veldur því að einstaklingar fá ekki almennilega meðferð hælisumsóknar sinnar og verða „fórnarlömb“ kerfisins.
Ég veit að endurskoðun Dyflinnarsamstarfs Íslands við ESB er komin á borð alþingismanna. Af því tilefni, vil ég skora á þá sem geta breytt kerfinu, að einblína á að styrkja flóttamannastefnu landsins og beina sjónum að því sem skiptir máli, þ.e. að bjarga fólki í neyð og virða alþjóðlegar mannréttindaskuldbindingar sínar, en ekki að fylgja Dyflinnarreglugerðum í blindni.
Skoðun

Róbótaréttindi
María Bjarnadóttir skrifar

Diplómatísk handalögmál
Þórlindur Kjartansson skrifar

Kraftmikil sókn í menntamálum
Skúli Helgason skrifar

Hafni Íslendingar evrópsku orkulöggjöfinni mun norska þjóðin fagna
Kathrine Kleveland skrifar

„Það væri gott að hafa sérfræðingana hjá sér“
Sigrún Harðardóttir og Ingibjörg Karlsdóttir skrifar

Barátta dólganna
Kolbrún Bergþórsdóttir skrifar

Lundalíf
Líf Magneudóttir skrifar

Heiðarlegar löggur
Þorvaldur Gylfason skrifar

Blár apríl – tækifæri fyrir alla
Hópur ráðgjafa deildar Vinnumálastofnunar fyrir fólk með skerta starfsgetu skrifar

Á þráhyggja eins manns að ráða för?
Ole Anton Bieltvedt skrifar

Ég varð að athlægi
Baldur Guðmundsson skrifar

Hreinar strendur alltaf?
Björg Kristín Sigþórsdóttir skrifar

Gróf mismunun öryrkja og aldraðra í kerfi TR
Björgvin Guðmundsson skrifar

Lýðheilsan og samþætt meðferð
Guðrún Gyða Ölvisdóttir skrifar

Brotinn húsnæðismarkaður
Sigurður Hannesson skrifar