Innlent

Bankarán í Borgartúni

Kolbeinn Tumi Daðason skrifar
Frá Landsbankanum í Borgartúni í dag.
Frá Landsbankanum í Borgartúni í dag. Vísir/Vilhelm

Tveir menn frömdu vopnað rán í útibúi Landsbankans í Borgartúni skömmu fyrir klukkan hálf tvö í dag. Annar maðurinn var vopnaður skammbyssu en hinn vopnaður hnífi. Leit hefur staðið yfir að mönnunum síðan en enginn verið handtekinn að sögn Sigríðar Bjarkar Guðjónsdóttur lögreglustjóra á höfuðborgarsvæðinu.

Mennirnir höfðu á brott með sér fjármuni en forsvarsmenn Landsbankans segja að upphæðin sé óverulegMennirnir flúðu á hvítum sendiferðabíl sem fannst í Barmahlíð á þriðja tímanum. Lögreglan hefur birt myndir af mönnunum tveimur og óskar aðstoðar.

Umfangsmikil leit lögreglu stendur yfir í Öskjuhlíð og vaktar lögregla alla vegi til og frá svæðinu.

Sjá einnig: Vopnuð rán fáheyrð hér á landi

Útibúi Landsbankans var lokað eftir ránið og verður áfram lokað á morgun. Þá var viðskiptavinum og starfsfólki boðin áfallahjálp. Engin slys urðu á fólki en öryggisgæsla var aukin í útibúum Landsbankans eftir ránið.

Samkvæmt sjónvarvottum unnu mennirnir verulegar skemmdir á innanstokksmunum bankans. Þá mun gjaldkeri hafa verið hristur og mennirnir öskrað að um rán væri að ræða. Sjónarvottar segja mennina hafa verið með eitthvað fyrir vitum sér en ber ekki saman um hvort trefla, lambúshettur eða annað hafi verið að ræða.

Lögregla hefur unnið að því að að taka skýrslur af vitnum að ráninu. Leit að mönnunum stendur enn yfir.

Bankarán í beinni í Borgartúninu!!

Posted by Guðmundur Sveinn Einarsson on Wednesday, December 30, 2015

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira