Formúla 1

Wolff: Liðið myndi springa með tvo Hamilton innanborðs

Kristinn Ásgeir Gylfason skrifar
Wolff myndi ekki vilja tvöfalda annan ökumann liðsins. Hann telur að samstarf þeirra sé mikilvægt fyrir liðið.
Wolff myndi ekki vilja tvöfalda annan ökumann liðsins. Hann telur að samstarf þeirra sé mikilvægt fyrir liðið. Vísir/Getty
Toto Wolff, liðsstjóri Mercedes liðsins segir að ef hægt væri þá myndi hann ekki vilja hafa tvo Lewis Hamilton sem ökumenn. Hann telur að það yrði meira en liðið myndi höndla.

Wolff telur að það „myndi allt springa í loft upp,“ innan Mercedes liðsins. Hann bætti svo við að það að hafa tvo Nico Rosberg væri heldur ekki besta leiðin. Wolff telur mikilvægt að halda þeirri samsetningu sem einn af hvorum ökumanni skapar.

„Ef við hefðum tvo Hamilton, myndi liðið sennilega springa. Tveir af Rosberg myndu ekki gera hluta neitt auðveldari,“ sagði Wolff.

„Samsetningin þeirra tveggja er mjög góð. Það er besta staða, jafnvel þótt það sé stundum erfitt. Þeir eru afar ólíkir, þeir nálgast hlutina á mjög mismunandi hátt. Það hjálpar okkur að ná lengra,“ hélt Wolff áfram.

Wolff segir að mikið hafi verið rætt innan liðsins um sviptingarnar sem urðu undir lok tímabilsins þegar Rosberg fór að hrifsa keppnir af Hamilton.

Wolff segir sálfræði hafa spilað stóran þátt í þessu, Lewis Hamilton hafi þegar náð í titilinn og það hafi átt einhvern þátt í umskiptunum. Wolff telur þó að óvíst að það að titillinn hafi verið í höfn hafi haft mikil áhrif á Hamilton.

„Á sama tíma vil ég ekki draga úr árangri Nico. Hann átti frábærar síðustu keppnir á tímabilinu. Það er mjög gott, við erum með tvo frábæra ökumenn í liðinu fyrir næsta ár, þeir verða báðir í topp formi. Það er lykillinn að árangri hjá okkur. Það er mikilvægt að þeir séu báðir einbeittir og viljugir að toga liðið áfram. Þrátt fyrir að það hafi fjölgað gráum hárum,“ sagði Wolff að lokum.


Tengdar fréttir

Sebastian Buemi vann Formúlu E í Ungverjalandi

Sebastian Buemi á Renault e.Dams kom fyrstur í mark í Formúlu E í Ungverjaldandi. Lucas di Grassi varð annar á ABT bílnum og Jerome d´Ambrosio varð þriðji á Dragon bílnum.

Ferrari hótar að hætta í Formúlu 1

Forseti Ferrari, Sergio Marchionne hefur sagt að hann íhugi að draga Ferrari úr keppni í Formúlu 1, verði að hugmyndum um einfaldari vél frá óháðum framleiðanda.




Fleiri fréttir

Sjá meira


×