Erlent

Shkreli rekinn úr embætti framkvæmdastjóra KaloBios

Atli Ísleifsson skrifar
Shkreli var handtekinn í síðustu viku og er hann sakaður um fjársvik í tengslum við fyrirtækið Retrophin.
Shkreli var handtekinn í síðustu viku og er hann sakaður um fjársvik í tengslum við fyrirtækið Retrophin. Vísir/AFP
Martin Shkreli hefur verið rekinn úr embætti framkvæmdastjóra lyfjafyrirtækisins KaloBios Pharmaceuticals.

Í frétt BBC um málið kemur fram að í yfirlýsingu frá stjórn félagsins segi að Shkreli hafi sagt sig úr stjórn KaloBios.

Shkreli var handtekinn í síðustu viku og er hann sakaður um fjársvik í tengslum við fyrirtækið Retrophin, sem hann stofnaði. Shkreli er þekktur sem „hataðasti maður internetsins“, eftir að hann ákvað að hækka verðið á 62 ára gömlu lyfi sem notað er af alnæmissjúklingum um rúmlega fimm þúsund prósent.

Hann er sakaður um að nota hlutabréf úr fyrirtæki sem hann stofnaði árið 2011, á ólöglegan hátt til að greiða ótengdar skuldir. Fyrr á árinu, fór Retrophin í mál við Shkreli fyrir að hafa misnotað fjármuni félagsins.

Shkreli hafði þegar sagt af sér sem forstjóri lyfjafyrirtækisins Turing Pharmaceuticals.


Tengdar fréttir




Fleiri fréttir

Sjá meira


×