Innlent

Sigmundur Davíð flytur í glæsihöll í Garðabæ

Jakob Bjarnar skrifar
Búsetumáli forsætisráðherra hafa verið nokkuð til umfjöllunar. Víst er að ekki mun væsa um Sigmund Davíð og fjölskyldu í nýlegri 325 fermetra villu í Garðabæ.
Búsetumáli forsætisráðherra hafa verið nokkuð til umfjöllunar. Víst er að ekki mun væsa um Sigmund Davíð og fjölskyldu í nýlegri 325 fermetra villu í Garðabæ. Vísir/anton/stefán

Víst er að sérstaklega hátíðlegt verður yfir hátíðarnar hjá Sigmundi Davíð Gunnlaugssyni forsætisráðherra og fjölskyldu hans.

Litla fjölskyldan, sem telur Sigmund Davíð, konu hans Önnu Sigurlaugu Pálsdóttur og dóttur, er að flytja í glæsihöll í Garðabæ en um er að ræða 325 fermetra villu við Skrúðás 7.  Samkvæmt þessu sama fasteignamati er eignin metin á 115 milljónir. Þá fylgir stór bílskúr eigninni en Skrúðás tilheyrir nýlegu hverfi í Garðabæ sem liggur nálægt Álftanesi.

Samkvæmt fasteignaskrá er húsið í eigu tengdaforeldra forsætisráðherra, þeirra Páls Samúelssonar og Elínar Sigrúnar Jóhannesdóttur.

Búsetumál Sigmundar Davíðs hafa verið nokkuð til umfjöllunar allt frá því hann flutti lögheimili sitt fyrir síðustu alþingiskosningar á eyðibýli í Jökulsárhlíð, Hrafnabjörg III, en Sigmundur hefur búið í Seljahverfinu í Breiðholti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira