Leikjavísir

Bráðum verður hægt að klifra Everest í sýndarveruleika

Tryggvi Páll Tryggvason skrifar
Sýndarveruleiki er gífurlega vinsæll meðal áhugamanna sem keppast um að prófa tækin á tæknisýningum víða um heim.
Sýndarveruleiki er gífurlega vinsæll meðal áhugamanna sem keppast um að prófa tækin á tæknisýningum víða um heim. Vísir/AFP

Íslenska leikjafyrirtækið Sólfar Studios tilkynnti í dag að fyrirtækið myndi, í samvinnu við RVX, fyrirtækið sem sá um tæknibrellur í kvimyndinni Everest, framleiða svokallaða sýndarveruleika útgáfu af Everest, hæsta tindi veraldar. Sólfar Studios hefur safnað háum fjárhæðum frá fjárfestingasjóðum til verksins.

Í tilkynningu frá fyrirtækinu segir að markmiðið með sýndarveruleikaútgáfunni af Everest sé að færa upplifuna á því að klífa þennan hæsta tind jarðar heim í stofu, enda fæstir sem fái tækifæri á því að klífa fjallið sjálft.

Sjá einnig: Stríðið um sýndarheima hefst

Hugmyndin er að sá sem spili leikinn er einföld. Menn byrja í grunnbúðum og fikra sig upp fjallið, allt í sýndarveruleika sem Sólfar hyggjast vinna í samvinnu við RVX, fyrirtækið sem sá um tæknibrellurnar í nýjustu kvikmynd Baltasar Kormáks.

Samhliða var tilkynnt fyrirtækið hefði lokið fjármögnun frá hópi íslenskra, finnskra og kínverskra fjárfestingarsjóða: NSA, Shanda Group, Inventure og Reaktor Ventures. Í heildina safnaði fyrirtækið 285 milljónum króna sem nýta á í þróun Everest VR.

Sjá einnig: Þurfti að búa til fallegt Everestfjall

Þróun tölvuleikja sem nýta sér sýndarveruleika hefur færst í aukana að undanförnu. Íslenski leikjaframleiðandinn CCP lagði til að mynda mikla áherslu á að kynna nýjasta sýndarveruleikaleik sinn, EVE:Valkyrie, á Eve Fanfest í vor.

Stofnendur Sólfars eru Reynir Harðarson, Kjartan Pierre Emilsson og Þorsteinn Högni Gunnarsson en þeir hafa allir unnið í tölvuleikja og hugbúnaðargeiranum í liðlega 20 ár. Nú síðast hjá CCP þar sem þeir voru í stjórnendahóp til margra ára.


Tengdar fréttir

Stríðið um sýndarheima hefst

Oculus Rift-sýndarveruleikagleraugun verða fáanleg snemma á næsta ári. Bylting er í vændum í tölvuleikjaiðnaðinum og hið íslenska fyrirtæki CCP, ásamt öðrum, er í framvarðasveit hennar.

Vilhjálmur fjárfestir í Sólfari

Nýtt íslenskt leikjafyrirtæki, Sólfar Studios, lauk í dag hlutafjáraukningu með þátttöku breiðs hóps erlendra og innlendra fjárfesta.

Sýndarveruleiki það sem koma skal

EVE Fanfest hátíðin hófst í dag í ellefta sinn og stendur fram yfir helgi. Í ár leggur tölvuleikjafyrirtækið CCP áherslu á nýjustu tilraunir sínar á sviði sýndarveruleika.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.