Formúla 1

Lok, lok og læs hjá Lotus

Kristinn Ásgeir Gylfason skrifar
Fáir vita hversu mikils virði styrktaraðilar Maldonado eru. En ef það dugar fyrir einhverjum reikningum er Lotus ábyggilega ánægt.
Fáir vita hversu mikils virði styrktaraðilar Maldonado eru. En ef það dugar fyrir einhverjum reikningum er Lotus ábyggilega ánægt. Vísir/Getty
Lotus liðið kom að lokuðum dyrum á gestamóttöku sinni við Suzuka brautina í Japan. Búnaður liðsins kom einnig á eftir búnaði annarra liða. Japanski kappaksturinn fer fram um helgina.

Fjárhagsvandræði Lotus liðsins halda áfram í Japan. Reikningar fyrir leigu á aðstöðu til gestamóttöku í Japan í fyrra virðast ógreiddir. Lyklar að aðstöðunni voru því ekki afhendir liðinu við komuna á brautina.

Sama gildir um búnað liðsins, hann skilaði sér ekki á réttum tíma vegna ógreiddra reikninga. Svo virðist sem skuldir liðsins séu farnar að hafa veruleg áhrif á starfsemi liðsins.

Fyrirtaka er í máli breskra skattyfirvalda gegn liðinu á mánudaginn. Liðið skuldar opinber gjöld til bresku krúnunnar.

Bílaframleiðandinn Renault ætlar sér þrátt fyrir allt að öllum líkindum að taka liðið yfir. Líklega er Renault að framkvæma rannsókn á fjárhagsstöðu liðsins og skoða hvort einhverjar óvæntar skuldir leynist þar.

Framlegning liðsins á samningi við Pastor Maldonado var gerð opinber síðustu helgi. Talsvert hefur borið á viðbrögðum vegna þessa, aðallega vegna þess hve mistækur Maldonado þykir.

Styrktarupphæðin sem honum fylgir hefur þó sennilegast verið of há til að henni yrði hafnað af liði í sömu stöðu og Lotus. Orðrómur er á kreiki um að 30 milljónir punda, um 5,8 milljarðar íslenskra króna fylgi kappanum frá heimalandi hans, Venesúela.


Tengdar fréttir

Pastor Maldonado áfram hjá Lotus 2016

Lotus liðið hefur staðfest að Pastor Maldonado haldi sæti sínu hjá liðinu á næsta ári. Enn er óvíst hver verður liðsfélagi hans.

Bílskúrinn: Sögur frá Singapúr

Sebastian Vettel vann á Ferrari, Lewis Hamilton hætti keppni á Mercedes og titilbarátta ökumanna lifnaði við. Keppnin í Singapúr var viðburðarík og skemmtileg.




Fleiri fréttir

Sjá meira


×