Matur

Stökkir kjúklingabitar í Kornflexmulningi

Eva Laufey Kjaran skrifar
visir.is/skjáskot
Það er mjög gott að bera kartöflubáta með þessum kjúklingabitum og best er að byrja á að útbúa kartöflurnar. 

Kartöflubátar

7 – 8 kartöflur, fremur stórar

1 rauðlaukur

4 hvítlauksrif

salt og pipar

ólífuolía

Aðferð:
  1. Skerið kartöflurnar í fjóra bita.
  2. Skerið rauðlaukinn í sneiðar og pressið hvítlauksrifin.
  3. Blandið öllu saman í skál með ólífuolíu og kryddið til með salti og pipar.
  4. Leggið í eldfast mót og bakið við 200° C í 40 – 45 mínútur. Mér finnst best að steikja kartöflurnar á pönnu í smá stund áður en ég læt þær í eldfast mót og inn í ofn.

Marinering

1 dós sýrður rjómi

2 tsk hunangs Dijon sinnep

½ tsk hvítlauksduft

salt og pipar

4 kjúklingabringur

5 bollar kornfleks (1 bolli=2 dl)

2 tsk hvítlauksduft

2 tsk fersk steinselja

1 tsk tímían

salt og pipar

1 msk ólífuolía



Aðferð:

  1. Skerið kjúklingabringurnar eða kjúklingakjötið í álíka stóra bita. Skolið kjötið og þerrið mjög vel.
  2. Hitið ofninn í 200°C.
  3. Blandið sýrða rjómanum, hunangs sinnepi, hvítlauksdufti, salti og pipar saman í skál. Setjið kjúklingabitana út í marineringuna og leyfið honum að marinerast í nokkrar mínútur (því lengur því betri verður kjúklingurinn)
  4. Setjið kornflex, hvítlauksduft, steinselju, tímían, salt, pipar og ólífuolíu í matvinnsluvél.
  5. Veltið kjúklingabitunum upp úr kornflexinu og þekjið hvern bita mjög vel.
  6. Leggið bitana á pappírsklædda ofnplötu og bakið við 200°C í 25 – 30 mínútur. Þegar eldunartíminn er hálfnaður snúið þið bitunum við og dreifið smá olíu yfir bitana.
  7. Berið fram með hunangssósu, kartöflubátum og fersku grænmeti t.d. agúrku og gulrætur.

Hunangssósa

1 dós sýrður rjómi

1 – 2 msk majónes

2 – 3 msk Dijon sinnep með hunangi

salt og nýmalaður pipar

1 hvítlauksrif



Aðferð:

  1. Blandið öllum hráefnum vel saman í skál eða sem betra er í matvinnsluvél. 

Missið ekki af Matargleði Evu öll fimmtudagskvöld á Stöð 2.


Tengdar fréttir

Ómótstæðilegir amerískir réttir

Eva Laufey er mjög hrifin af amerískri matargerð og var sú matargerð innblástur í síðasta þætti af Matargleði Evu.

Haustsúpa sem yljar

Ég veit fátt betra en matarmiklar og kraftmiklar súpur sem ylja á köldum dögum. Haustið er gengið í garð og því er tilvalið að bjóða upp á súpu með einföldu hvítlauksbrauði.

Tryllingslega gott karamellupæ

Í síðasta þætti af Matargleði skellti ég í þetta ofureinfalda og bragðgóða karamellupæ með þeyttum rjóma og súkkulaði.

Jarðarberjaskyrkaka með hvítu súkkulaði

Skyrkökur er bæði einfaldar og afar ljúffengar. Í fyrsta þætti mínum deildi ég uppskrift að ómótstæðilegri jarðarberjaskyrköku sem fær hjörtun til að slá hraðar.






Fleiri fréttir

Sjá meira


×