Lífið

Sjáðu brot úr nýrri þáttaröð The Walking Dead

Stefán Ó. Jónsson skrifar
Uppvakningarnir kalla ekki allt ömmu sína.
Uppvakningarnir kalla ekki allt ömmu sína. Vísir/skjáskot
Sjónvarpsstöðin AMC og fólkið á bakvið hina geysivinsælu þætti The Walking Dead hafa sent frá sér nýja, spennuþrungna stiklu fyrir sjöttu þáttaröðina sem væntanleg er með haustinu. 

Stiklan var opinberuð í gær á Comic Con-hátíðinni sem fram fer í San Diego þessa dagana.

The Walking Dead njóta mikilla vinsælda en þættirnir voru meðal annars mest sóttir á netversluninni Google Play í fyrra.

Nýja þáttaröðin fer í loftið vestanhafs þann 11. október næstkomandi og búist er við því að fyrsti þátturinn verði um 90 mínútur að lengd – sem jafngildir bíómynd í fullri lengd.

Nýju stikluna má sjá hér að neðan. 






Fleiri fréttir

Sjá meira


×