Körfubolti

Nýliðar þjálfa bæði karla- og kvennalið Grindavíkur

Ingvi Þór Sæmundsson skrifar
Daníel varð Íslandsmeistari með Grindavík 2013.
Daníel varð Íslandsmeistari með Grindavík 2013. vísir/stefán
Daníel Guðni Guðmundsson er tekinn við þjálfun bikarmeistara Grindavíkur í körfubolta. Þetta kemur fram á Karfan.is.

Daníel, sem er 28 ára, er að þreyta frumraun sína í meistaraflokksþjálfun en hann hefur leikið með karlaliði Grindavíkur undanfarin ár.

Daníel tekur við þjálfarastarfinu af Sverri Þór Sverrissyni sem stýrði Grindavíkurliðinu í fyrra og gerði það að bikarmeisturum. Þá komst Grindavík í úrslitakeppnina en féll úr leik fyrir Íslandsmeisturum Snæfells.

Bæði karla- og kvennalið Grindavíkur tefla fram nýliðum í þjálfarastarfinu næsta vetur en Jóhann Ólafsson er tekinn við karlaliðinu, einnig af Sverri. Jóhann var aðstoðarþjálfari Sverris en hann hefur ekki þjálfað meistaraflokk áður.


Tengdar fréttir

Jóhann tekur við Grindavík

Nýr þjálfari körfuboltaliðs Grindavíkur ráðinn í dag. Gömul kempa verður Jóhanni til aðstoðar.




Fleiri fréttir

Sjá meira


×