Veiði

Víðidalsá komin í 25 laxa og áinn í góðu vatni

Karl Lúðvíksson skrifar
Fyrsti laxinn úr Víðidalsá í höndunum á veiðimanninum Vilhjámi Þór Vilhjálmssyni
Fyrsti laxinn úr Víðidalsá í höndunum á veiðimanninum Vilhjámi Þór Vilhjálmssyni

Víðidalsá átti prýðilega opnun með ellefu löxum en áin er búin að sjatna mikið og er núna komin í mjög gott vatn.

"Við erum komnir núna í 25 laxa sem við teljum bara prýðilegt miðað við aðstæður. Áin er núna í mjög góðu vatni og það mætti alveg vera aðeins meira af laxi en við erum þó ekkert að kvarta" sagði Jóhann Hafnfjörð Rafnsson þegar við heyrðum í honum rétt um hádegið.

Víðidalsá hefur átt nokkrar sveiflur í veiði í gegnum tíðina en frá 1974 hefur hún tvisvar farið yfir 2000 laxa veiði en það var árin 2009 með 2019 laxa og 1988 með 2023 laxa. Meðalveiðin í ánni er 1136 laxar og það sem togar veiðimenn í Víðidalsá aftur og aftur er stórlaxahlutfall sem er með því besta sem gerist á landinu. Auk góðrar laxveiði er silungsveiðin í ánni mjög mikil og þá sérstaklega í Víðidalsá en bleikjan í henni gengur langt upp í hana og á sumum veiðistöðum er svo mikið af henni að laxinn á aldrei séns að ná flugunni áður en bleikjan gerir það. Bleikjurnar hafa á rólegum dögum bætt mönnum vel upp rólegheitin í laxveiðinni því það er ekkiert óalgengt að ná 6-7 punda bleikjum í ánni.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.