Formúla 1

Manor hugsanlega hætt við

Kristinn Ásgeir Gylfason skrifar
Graeme Lowdon ætlar ekki að gera neina fljótfærnisvillu heldur ígrunda málið vel.
Graeme Lowdon ætlar ekki að gera neina fljótfærnisvillu heldur ígrunda málið vel. Vísir/Getty
Manor liðið í Formúlu 1 endurhugsar nú áætlun sína um að kynna nýjan bíl á tímabilinu. Hugsanlega verður hann ekki kynntur fyrr en á næsta tímabili.

Endurreisn Manor átti sér stað á afar stuttum tíma og liðinu tókst á ótrúlega stuttum tíma að aðlaga gamla Marussia bílinn að nýjum reglum og koma honum á braut. Ætlunin var svo að koma með mikið endurbættan bíl sem allra fyrst á tímabilinu.

Nú er staðan sú að liðið telur líklegt að bíllinn líti ekki dagsins ljós fyrr en á næsta ári. Ákvörðunin veltur á því að liðinu tekst ítrekað að halda sig innan 107% frá hraðasta tíma hverrar tímatöku. Liðið telur að 107% reglan muni ekki valda þeim vandræðum á tímabilinu.

107% reglan felst í því að ökumenn verða að setja tímatökuhring innan við 107% frá hraðasta tíma þeirrar tímatöku til að vera gjaldgengir í keppni. Undantekningar á þessu eru þegar ökumenn hafa sett samkeppnishæfan tíma á æfingum en lenda svo hugsanlega í því að bíllinn bilar í tímatökunni.

„Við horfum á heildar myndina, þetta er allt opið og ekkert meitlað í stein. Við leitum að rétta svarinu og þegar við finnum það þá verður það leiðin sem verður farin. Það er rétt að nefna að sumt af því fólki sem hefur áhrif á ákvörðunina er rétt að byrja að starfa hjá okkur,“ sagði Graeme Lowdon, liðsstjóri Manor.


Tengdar fréttir

Bílskúrinn: Endurkoman í Kanada

Lewis Hamilton kom til baka eftir vonbrigðin í Kanada, Nico Rosberg glímdi við bremsuvandamál og Valtteri Bottas komst á verðlaunapall.




Fleiri fréttir

Sjá meira


×