Innlent

Reyndu að kúga fé út úr Sigmundi Davíð

Aðalsteinn Kjartansson skrifar
Tveir voru handteknir síðastliðinn föstudag vegna fjárkúgunartilraunar á hendur forsætisráðherra.
Tveir voru handteknir síðastliðinn föstudag vegna fjárkúgunartilraunar á hendur forsætisráðherra. Vísir/ERNIR

Umfangsmikil lögregluaðgerð var á föstudag þar sem tveir voru handteknir vegna fjárkúgunartilraunar á hendur Sigmundi Davíð Gunnlaugssyni forsætisráðherra. Samkvæmt upplýsingum fréttastofu var reynt að kúga milljónir út úr honum.

Í bréfi sem barst Sigmundi og fjölskyldu var þess krafist að þau myndu reiða fram nokkrar milljónir króna ella yrðu upplýsingar sem áttu að vera viðkvæmar fyrir forsætisráðherra gerðar opinberar.

Málið var umsvifalaust tilkynnt lögreglu sem réðist í umfangsmiklar aðgerðir á föstudag sem leiddu til handtöku einstaklinganna tveggja.

Friðrik Smári Björgvinsson, aðstoðaryfirlögregluþjónn hjá lögreglunni á höfuðborgarsvæðinu, vildi ekki tjá sig um málið þegar eftir því var leitað í morgun. Hann vildi ekki staðfesta að aðgerðirnar hefðu átt sér stað en sagði að von væri á fréttatilkynningu frá lögreglunni fyrir hádegi.

Jóhannes Þór Skúlason, aðstoðarmaður forsætisráðherra, sagðist ekki geta tjáð sig um málið í morgun.

Systur kúga fé út úr forsætisráðherra
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið