Veiði

Fyrstu laxarnir reka trýnin í árnar strax í maí

Karl Lúðvíksson skrifar

Þó laxveiðitímabilið hefjist ekki fyrr en 4. júní þegar Norðurá og Blanda opna fyrir veiðimönnum þá byrja fyrstu laxarnir að ganga í árnar aðeins fyrr.

Það er ansi misjafnt á milli ánna hvenær fyrstu laxarnir byrja að mæta og ekki eru allir sammála því af hverju þetta er.  Til dæmis gengur laxinn frekar snemma í Norðurá og Þverá/Kjarrá en fyrstu laxarnir sjást þar yfirleitt um miðjan maí eða aðeins seinna en yfirleitt ekki fyrr en um miðjan júní í Langá.  Laxá í Kjós á líka snemmgenginn stofn en þar hafa fyrstu laxarnir verið að mæta um miðjan maí þrátt fyrir að göngurnar byrji ekki að neinu ráði fyrr en um miðjan júní.

Og það eru fleiri ár með snemmgengna laxa en ein af þeim sem líklega er með tvo ólíka stofna er Stóra Laxá í Hreppum er þar hefur því lengi verið haldið fram að áin eigi tvo stofna, annan sem gengur í ánna strax í maí og fer rakleiðis á efri svæðin (svæði 4) og svo annan stofn sem kemur á hefðbundnum göngutíma þar sem hann byrjar að ganga í ánna í byrjun júlí.  En Stóra Laxá á líka eina hegðun sem engin veiðimaður virðist vera sammála um en það eru hinar mögnuðu haustgöngur sem koma yfirleitt í fyrstu stóru ágúst rigningunum en þá er eins og áin fyllist af stórlaxi og eftir að V&S var tekið upp í ánni eru þessar göngur bara að stækka.  Það sýnir sig vel í eftirspurn eftir leyfum þarna á þeim tíma þar sem færri komast að en vilja.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.