Lífið

Ástralía tekur þátt í Eurovision í ár

Bjarki Ármannsson skrifar
Conchita Wurst frá Austurríki fór með sigur af hólmi í keppninni í fyrra.
Conchita Wurst frá Austurríki fór með sigur af hólmi í keppninni í fyrra. Mynd/Eurovision

Ástralir munu taka þátt í söngvakeppni evrópskra sjónvarpsstöðva, Eurovision, í ár. Þetta segir á vefsíðu söngvakeppninnar. Eurovision hefur notið mikilla vinsælda í Ástralíu undanfarin ár og fær þjóðin þennan þátttökurétt í ár til að fagna sextíu ára afmæli keppninnar.

Fyrirkomulagið verður nokkuð einkennilegt að því er fram kemur á vefsíðunni. Hægt verður að kjósa framlag Ástrala og gæti það þess vegna farið með sigur af hólmi.

Gerist það, mun keppnin ekki vera haldin þar í landi árið 2016 heldur mun sjónvarpsstöðin SBS sjá um að halda keppnina í samvinnu við land í Evrópu. Þátttökuréttur Ástrala er einungis hugsaður til eins árs, en ef þeir vinna í ár munu þeir fá að taka þátt aftur að ári.

Með þessu verða þjóðirnar sem taka þátt í keppninni í ár alls fjörutíu talsins. Ástralir munu ekki taka þátt í undankeppninni heldur fara þeir beint í úrslitakeppnina sem fram fer í Vínarborg þann 23. maí.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.