Viðskipti innlent

Selur notaða vörubíla frá Íslandi til Afganistan

ingvar haraldsson skrifar
Rafn Arnar Guðjónsson hefur m.a. flutt út vörubíla og stór vinnutæki til Afganistan, Víetnam, Filippseyja, Rússlands, Nígeríu og Suður Kóreu.
Rafn Arnar Guðjónsson hefur m.a. flutt út vörubíla og stór vinnutæki til Afganistan, Víetnam, Filippseyja, Rússlands, Nígeríu og Suður Kóreu. vísir/ernir

Rafn Arnar Guðjónsson hefur selt um 40 notaða vörubíla frá Íslandi til Afganistan síðastliðinn áratug. Nú er einn 9 ára gamall Mercedes Benz vörubíll, sem ekið var um 700 þúsund kílómetra hér á landi á leiðinni til Afganistan. „Þetta hefur verið talsvert síðustu 10 árin. Það er alltaf verið að sprengja bílana upp og þá vantar nýja,“ segir Rafn.

„Upphafið af þessu var að það var verið að sprengja upp olíuflutningabíla. Þá fundu þeir það út að þá vantaði gamla vörubíla og þeir voru ekkert allstaðar á lausu. Kakar vinur minn frá Afganistan hafði samband við mig og sagði að hann vantaði bíla,“ segir Rafn sem rekur inn- og útflutningsfyrirtækið RAG import export ehf.

Að sögn Rafns voru vörubílarnir frá Íslandi upphaflega nýttir til að blekkja hryðjuverkamenn. „Þeir settu gáma á bílana og settu svo tanka inn í gámana sem þeir fylltu af olíu eða bensíni. Þannig sáu hryðjuverkamennirnir aldrei hvaða bílar í bílalestum væru olíuflutningabílar. Þannig gátu hryðjuverkamennirnir ekki drepið jafn marga saklausa borgara, en þeir drápu náttúrulega alltaf einhverja, því miður.“ segir Rafn.

Kakar vinur minn frá Afganistan hafði samband við mig og sagði að honum vantaði bíla,“ segir Rafn.

Selt bíla og beltagröfur til Nígeríu og Víetnam
Rafn hefur flutt út vörubíla, beltagröfur og hjólagröfur og fleiri stór vinnutæki undanfarin 25 ár. „Mörgum þótta þetta skrýtið að sínum tíma. Menn áttuðu sig ekkert á því að tæki væri seld úr landi fyrr en í hruninu og tengdu þetta þá við hrunið. En ég hef alltaf verið selja tæki úr landi,“ segir Rafn.

Rafn segist hafa selt allt að 15 vörubíla og tæki úr landi á hverju ári ef hrunárin eru undanskilin. „Það er ekkert samanburðarhæft. Í hruninu þá seldum við bíla um allan heim. Alls til 43 landa, m.a. til Víetnam, Filippseyja, Rússlands, nánast allra Evrópulanda, Nígeríu og Suður Kóreu,“ segir Rafn að lokum. 




Fleiri fréttir

Sjá meira