Innlent

Sjáðu breytingarnar á gosinu í Holuhrauni: Haraldur ansi sannspár

Birgir Olgeirsson skrifar
Haraldur Sigurðsson eldfjallafræðingur spáði að gosinu í Holuhrauni myndi ljúka í byrjun mars en verulega hefur dregið úr virkni gossins.
Haraldur Sigurðsson eldfjallafræðingur spáði að gosinu í Holuhrauni myndi ljúka í byrjun mars en verulega hefur dregið úr virkni gossins. Vísir/Anton Brink

Haraldur Sigurðsson, eldfjallafræðingur í Stykkishólmi, hefur lengi spáð því að eldgosinu í Holuhrauni myndi ljúka í byrjun mars mánaðar og virðist hann hafa verið nokkuð sannspár.

Verulega hefur dregið úr gosinu síðustu daga og virðist samfelld hrauntjörnin í Holuhrauni vera að lokast. Þyrluflugmaðurinn Reynir Freyr Pétursson frá Reykjavík Helicopters flaug yfir gosstöðvarnar á þriðjudag og hafði þá dregið verulega úr hraunflæði og hrauntjörnin ekki lengur samfelld. Tók Reynir Freyr meðfylgjandi myndbönd sem sýna samanburð á gosinu dagana 5. desember, 12. desember, 31. janúar og 17. febrúar.

Jafnan sem Haraldur birtir með spá sinni um goslok. Haraldur Sigurðsson.

Sjá einnig: Gosinu lýkur í byrjun mars, samkvæmt reikniformúlu

Haraldur birti línurit í janúar síðastliðnum sem sýndi að sig Bárðarbungu hefði verið afar reglulegt frá upphafi og fékk það út samkvæmt reiknijöfnu að línan yrði orðin lárétt eftir um 160 daga frá því mælingar hófust 12. september, 2014. Spáði Haraldur því í kjölfarið að sigið í Bárðarbungu myndi hætta í byrjun marsmánaða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira