Viðskipti erlent

Kvikmyndastjörnur og íþróttamenn í leynigögnum HSBC

Sunna Kristín Hilmarsdóttir skrifar
Christian Slater, Elle MacPherson, Fernando Alonso og Phil Collins voru í viðskiptum við HSBC.
Christian Slater, Elle MacPherson, Fernando Alonso og Phil Collins voru í viðskiptum við HSBC. Vísir

Það kennir ýmissa grasa í gögnum HSBC sem afhjúpuð voru um helgina og leiða í ljós að fjölmargir viðskiptavinir bankans fengu aðstoð við að skjóta undan skatti og fela eignir sínar fyrir yfirvöldum. Svo virðist sem að bankinn hafi verið vinsæll á meðal fræga og ríka fólksins.

Leikarinn Christian Slater tengist reikningi í bankanum sem heitir "Captain Kirk”, eftir Star Trek-kafteininum. Reikningurinn var opnaður 1996 og lokað aftur árið 1997 en ekki kemur fram í gögnunum hvernig Slater tengist reikningnum.

Phil Collins, tónlistarmaður, var skráður fyrir sjö bankareikningum hjá HSBC en fyrsta reikninginn opnaði hann árið 2000. Á árunum 2006-2007 var hæsta innistæðan á reikningunum rúmir 270.000 dollarar.

Fyrirsætan og leikkonan Elle MacPherson tengdist sjö reikningum og var skráð fyrir fimm af þeim. Árið 2008 voru fjórir reikningar enn virkir og nam innistæðan á þeim öllum samtals 12,2 milljónum dollara.

Valentino með meira en 100 milljónir dollara inni á níu bankareikningum
Knattspyrnumaðurinn Diego Forlán fór í viðskipti hjá HSBC árið 2006 þegar hann spilaði með Villarreal á Spáni. Hann tengdist alls fjórum bankareikningum með innistæðum upp á alls 1,4 milljónir dala en ekkert kemur fram í skjölunum hvernig Forlán tengdist reikningunum.

Þá var Formúlu 1-ökumaðurinn Fernando Alonso einnig í viðskiptum við HSBC frá árinu 2002. Hann tengdist samtals fjórum reikningum með innistæðu upp á samtals 42 milljónir bandaríkjadala en ekki er nákvæmlega gefið upp hvernig ökumaðurinn kom að reikningunum.

Fatahönnuðurinn Diane Von Fürstenberg tengdist fjórum reikningum hjá HSBC. Tveir þeirra voru opnaðir 1988 og svo lokað 1996 og 2002. Einn var opnaður árið 1994 og lokað átta árum síðar en móðir fatahönnuðarins var skráð fyrir einum reikningnum sem enn var opinn á árunum 2006-2007. Innistæðan á honum nam rúmum 6 milljónum dollara.

Ítalski fatahönnuðurinn Valentino fór í viðskipti hjá HSBC árið 2000. Hann tengdist að minnsta kosti níu reikningum með heildarinnistæðu upp á meira en 100 milljónir dollara.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.