Hvunndagshetja ársins Sigurður Hallvarðsson 18. maí 2014 13:30 Frá vinstri Sölvi Páll, Breki Steinn, Aron, Sigurður, Hallvarður, Ágústa, Óskar og Snorri. myndir/úr einksafni Sigurður Hallvarðsson greindist með heilaæxli fyrir tæpum 10 árum og hefur notið stuðnings og endurhæfingar í Ljósinu. Hann hefur farið í fjölda aðgerða til að fá fá meina sinna bót. Í maí síðastliðnum kom í ljós að fjöldi meina hafði tekið sér bólfestu í heila Sigurðar sem í kjölfarið afþakkaði geisla- og lyfjameðferð.Glaðastur þegar hann gleður aðra Elsti sonur Sigurðar, Snorri, segir pabba sinn góðan mann sem setji annarra hagsmuni fram yfir sína eigin. „Hann hefur alltaf verið þannig. Pabbi er mjög vinmargur og ég hef aldrei heyrt neitt annað en góða hluti um hann sagt. Hann er einfaldlega besti pabbi í heiminum og með betri mannverum sem ég hef kynnst,“ segir Snorri og segir pabba sinn vel að verðlaununum kominn. „Allir tilefndir eru að gera algjörlega frábæra hluti. Það sem er kannski sérstakt í hans tilviki er að maður í hans ástandi skuli standa fyrir svona söfnunum, líkt og hann gerði fyrir Ljósið og Rjóðrið, í staðinn fyrir að slappa af og einbeita sér að sínum veikindum. En hann er einfaldlega ekki þannig. Hann hefur alltaf sagt að það sem geri hann glaðastan sé að gera eitthvað til þess að gleðja aðra.“Sigurður og synirnir, Aron, Hallvarður og Snorri.Truflaði vinnandi fólk Snorri sá um að skutla pabba sínum í meðferðir í nokkra mánuði. „Það var frekar sérstakt, því að ég kynntist honum allt öðru vísi en hann er í kringum fjölskylduna. Til dæmis var það algjört aðalatriði að stoppa í Ljósinu til þess að gleðja konurnar þar og svo var haldið á aðra staði „að trufla vinnandi fólk“ eins og hann kallaði það sjálfur. Svo heimsóttum við reglulega Kristínu sem var með honum á Grensási í endurhæfingu og er móðir gamallar kærustu hans og bekkjarsystur. Hann hefur haldið góðu sambandi við hana og leyfir henni að fylgjast mjög vel með öllu sem hann gerir og dóttur hennar líka. Eins og ég sagði áður setur hann hagsmuni annarra á undan sínum eigin.“Sigurður Hallvarðsson ásamt Aroni, syni sínum.Mynd/LjósiðFjölskyldan stendur þétt saman Veikindi Sigurðar hafa haft veruleg áhrif á fjölskylduna, eins og gefur að skilja. „Áhrifin eru bæði góð og slæm. Flest börnin ólust upp við það að pabbi var veikur og hann þurfti oft að hvíla sig aðeins meira en aðrir. Við lærðum að lifa með því og aðlagast. En ég vil meina að við í fjölskyldunni höfum færst nær hvert öðru eftir því sem veikindin urðu alvarlegri. Það hefur farið mikið í að búa okkur undir þetta sem er vissulega erfitt. Við höfum verið að fara á námskeið og fundi og reynt að leita alls kyns úrræða til þess að vinna úr þessu öllu saman. En við erum öll mjög sátt og þakklát fyrir þennan tíma sem við höfum fengið með pabba.Hann hefur ekki mikið sýnt að hann sé veikur, hvorki í fjölmiðlum né heima fyrir, hann er bara eins og hann er. Nú þegar veikindin eru að ná hámarki er þetta mjög erfitt fyrir alla – en við reynum að passa upp á hvert annað og vera til staðar fyrir alla.“Sigurður og synir hans Snorri, Hallvarður og Aron.Undirbjó áheitagönguna í heilt árErna Magnúsdóttir er forstöðukona Ljóssins. Hún segir alla þá sem hafi kynnst Sigurði í Ljósinu brosa þegar um hann er rætt. „Hann er maður með fallegt hjarta og fallega sál,“ segir Erna og bætir við að áheitagangan sem Sigurður hafi farið fyrir hafi verið gríðarlega þýðingarmikil fyrir Ljósið. „Siggi hafði talað um skipulagningu göngunnar í heilt ár. Gangan hófst í myrkri og rigningu frá Hveragerði en það var mjög glatt yfir öllum. Siggi var glaður og stoltur yfir að nú væri þessi langþráði draumur að rætast. Hann vann þrekvirki þennan dag, hann gekk til Reykjavíkur, spastískur á vinstri fæti en lét það ekki á sig fá. Góðvinur hans Willum Þór gekk alla leið með honum ásamt fleiri góðum vinum. Um 200 manns söfnuðust saman fyrir framan Holtagarða og gengu með honum síðasta spölinn og svo var haldin gleði- og þakkarsamkoma í Ljósinu þar sem Siggi var hylltur,“ segir Erla, og bætir við að hann hafi stórt hjarta og hafi allan sinn tíma í Ljósinu hugsað um hvað hann geti gert til að styðja við bakið á starfseminni.Engum öðrum líkur „Eftir að Siggi lauk göngunni þá kom smá tómarúm hjá honum og hann vildi fá fleiri verkefni,“ segir Erla en þar sem Ljósið þarf að reiða sig að miklu leyti á styrki frá þjóðfélaginu þá hélt hann ótrauður áfram að vinna starf í þágu Ljóssins. „Hans næsta verkefni var að safna fallegum og nytsamlegum munum í jólabúð Ljóssins sem var opin í desember. Það varð úr að Siggi fór um allan bæinn og safnaði fullt af flottum munum sem svo voru seldir með mikilli gleði til styrktar starfseminni.“ Á þessu ári datt Sigurði í hug að fá vini sína til að gefa Ljósinu lag sem væri tileinkað starfseminni og að það gætu komið inn tekjur af því. „Hann talaði því við vin sinn Jón Ólafsson tónlistarmann og þar er að fæðast fallegt Ljósalag sem verður tileinkað öllum þeim sem hafa glímt við krabbamein. Siggi er engum líkur.“ Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Margrét Ýr og Reynir nýtt par Lífið Vítalía og Arnar Grant í kossaflensi Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun Gult og glæsilegt einbýlishús Sölva til sölu Lífið Magnea fór upp á fjall á tryllitæki Lífið Eva Ruza og Gunna Dís inn fyrir Gísla og Felix Lífið Fleiri fréttir Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Þorði loks á 22, gekk að Felix og sagði hæ Stórstjarnan Bríet fagnaði 25 árum með stæl Þetta þarf að hafa í huga fyrir mataræði hvolpa Sjá meira
Sigurður Hallvarðsson greindist með heilaæxli fyrir tæpum 10 árum og hefur notið stuðnings og endurhæfingar í Ljósinu. Hann hefur farið í fjölda aðgerða til að fá fá meina sinna bót. Í maí síðastliðnum kom í ljós að fjöldi meina hafði tekið sér bólfestu í heila Sigurðar sem í kjölfarið afþakkaði geisla- og lyfjameðferð.Glaðastur þegar hann gleður aðra Elsti sonur Sigurðar, Snorri, segir pabba sinn góðan mann sem setji annarra hagsmuni fram yfir sína eigin. „Hann hefur alltaf verið þannig. Pabbi er mjög vinmargur og ég hef aldrei heyrt neitt annað en góða hluti um hann sagt. Hann er einfaldlega besti pabbi í heiminum og með betri mannverum sem ég hef kynnst,“ segir Snorri og segir pabba sinn vel að verðlaununum kominn. „Allir tilefndir eru að gera algjörlega frábæra hluti. Það sem er kannski sérstakt í hans tilviki er að maður í hans ástandi skuli standa fyrir svona söfnunum, líkt og hann gerði fyrir Ljósið og Rjóðrið, í staðinn fyrir að slappa af og einbeita sér að sínum veikindum. En hann er einfaldlega ekki þannig. Hann hefur alltaf sagt að það sem geri hann glaðastan sé að gera eitthvað til þess að gleðja aðra.“Sigurður og synirnir, Aron, Hallvarður og Snorri.Truflaði vinnandi fólk Snorri sá um að skutla pabba sínum í meðferðir í nokkra mánuði. „Það var frekar sérstakt, því að ég kynntist honum allt öðru vísi en hann er í kringum fjölskylduna. Til dæmis var það algjört aðalatriði að stoppa í Ljósinu til þess að gleðja konurnar þar og svo var haldið á aðra staði „að trufla vinnandi fólk“ eins og hann kallaði það sjálfur. Svo heimsóttum við reglulega Kristínu sem var með honum á Grensási í endurhæfingu og er móðir gamallar kærustu hans og bekkjarsystur. Hann hefur haldið góðu sambandi við hana og leyfir henni að fylgjast mjög vel með öllu sem hann gerir og dóttur hennar líka. Eins og ég sagði áður setur hann hagsmuni annarra á undan sínum eigin.“Sigurður Hallvarðsson ásamt Aroni, syni sínum.Mynd/LjósiðFjölskyldan stendur þétt saman Veikindi Sigurðar hafa haft veruleg áhrif á fjölskylduna, eins og gefur að skilja. „Áhrifin eru bæði góð og slæm. Flest börnin ólust upp við það að pabbi var veikur og hann þurfti oft að hvíla sig aðeins meira en aðrir. Við lærðum að lifa með því og aðlagast. En ég vil meina að við í fjölskyldunni höfum færst nær hvert öðru eftir því sem veikindin urðu alvarlegri. Það hefur farið mikið í að búa okkur undir þetta sem er vissulega erfitt. Við höfum verið að fara á námskeið og fundi og reynt að leita alls kyns úrræða til þess að vinna úr þessu öllu saman. En við erum öll mjög sátt og þakklát fyrir þennan tíma sem við höfum fengið með pabba.Hann hefur ekki mikið sýnt að hann sé veikur, hvorki í fjölmiðlum né heima fyrir, hann er bara eins og hann er. Nú þegar veikindin eru að ná hámarki er þetta mjög erfitt fyrir alla – en við reynum að passa upp á hvert annað og vera til staðar fyrir alla.“Sigurður og synir hans Snorri, Hallvarður og Aron.Undirbjó áheitagönguna í heilt árErna Magnúsdóttir er forstöðukona Ljóssins. Hún segir alla þá sem hafi kynnst Sigurði í Ljósinu brosa þegar um hann er rætt. „Hann er maður með fallegt hjarta og fallega sál,“ segir Erna og bætir við að áheitagangan sem Sigurður hafi farið fyrir hafi verið gríðarlega þýðingarmikil fyrir Ljósið. „Siggi hafði talað um skipulagningu göngunnar í heilt ár. Gangan hófst í myrkri og rigningu frá Hveragerði en það var mjög glatt yfir öllum. Siggi var glaður og stoltur yfir að nú væri þessi langþráði draumur að rætast. Hann vann þrekvirki þennan dag, hann gekk til Reykjavíkur, spastískur á vinstri fæti en lét það ekki á sig fá. Góðvinur hans Willum Þór gekk alla leið með honum ásamt fleiri góðum vinum. Um 200 manns söfnuðust saman fyrir framan Holtagarða og gengu með honum síðasta spölinn og svo var haldin gleði- og þakkarsamkoma í Ljósinu þar sem Siggi var hylltur,“ segir Erla, og bætir við að hann hafi stórt hjarta og hafi allan sinn tíma í Ljósinu hugsað um hvað hann geti gert til að styðja við bakið á starfseminni.Engum öðrum líkur „Eftir að Siggi lauk göngunni þá kom smá tómarúm hjá honum og hann vildi fá fleiri verkefni,“ segir Erla en þar sem Ljósið þarf að reiða sig að miklu leyti á styrki frá þjóðfélaginu þá hélt hann ótrauður áfram að vinna starf í þágu Ljóssins. „Hans næsta verkefni var að safna fallegum og nytsamlegum munum í jólabúð Ljóssins sem var opin í desember. Það varð úr að Siggi fór um allan bæinn og safnaði fullt af flottum munum sem svo voru seldir með mikilli gleði til styrktar starfseminni.“ Á þessu ári datt Sigurði í hug að fá vini sína til að gefa Ljósinu lag sem væri tileinkað starfseminni og að það gætu komið inn tekjur af því. „Hann talaði því við vin sinn Jón Ólafsson tónlistarmann og þar er að fæðast fallegt Ljósalag sem verður tileinkað öllum þeim sem hafa glímt við krabbamein. Siggi er engum líkur.“
Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Margrét Ýr og Reynir nýtt par Lífið Vítalía og Arnar Grant í kossaflensi Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun Gult og glæsilegt einbýlishús Sölva til sölu Lífið Magnea fór upp á fjall á tryllitæki Lífið Eva Ruza og Gunna Dís inn fyrir Gísla og Felix Lífið Fleiri fréttir Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Þorði loks á 22, gekk að Felix og sagði hæ Stórstjarnan Bríet fagnaði 25 árum með stæl Þetta þarf að hafa í huga fyrir mataræði hvolpa Sjá meira