Innlent

Ísfirðingum ráðlagt að halda sig innandyra í gærkvöldi

Gissur Sigurðsson skrifar
Vísir/Egill Aðalsteinsson

Almannavarnir ríkislögreglustjóra sendu Ísfirðingum og að líkindum fleiri Vestfirðingum SMS skeyti um klukkan ellefu í gærkvöldi þar sem varað var við háu mengunargildi frá eldgosinu í Holuhrauni og var fólki bent á að halda sig innandyra, loka öllum gluggum og hækka hita á öllum ofnum.

Þá mældist mengunin tvö þúsund míkrógrömm í rúmmetra á mæli við lögreglustöðina, en við 600 grömm á fólk að fara að hafa varann á.

Þetta kom Ísfirðingum í opna skjöldu þar sem þeir eru umþaðbil eins langt frá gosinu og hægt er, innan landsteinanna og þeir hafa hingað til nær alveg sloppið við gasmengun.

Klukkan sex í morgun var mengunargildið þar komið niður í 600. Spáð er austlægri átt í dag og að gasmengun leggi til vesturs og verði hennar vart frá sunnanverðum Vestjförðum og suður um til Reykjaness og útlit er fyrir að mengunarsvæðið verði álíka á morgun.

Heldur minni skjálftavirkni virðist hafa verið við gosstöðvarnar í nótt en undanfarnar nætur, en ekkert lát er þó á gosinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.