Innlent

Kaupir hlut í DV og vill Reyni út

Stefán Árni Pálsson skrifar
visir/auðunn/pjetur

Laugar ehf. hafa keypt 4,42 prósent hlut í DV ehf. en Laugar eru í eigu Björns Leifssonar oft kenndur við World Class. Eyjan greindi fyrst frá.

Laugar kaupir hlutinn af Ólafi Magnússyni, fyrrverandi stjórnarmanni DV og Kú ehf., Catalína ehf., Innrömmun Sigurjóns ehf. og Víkurós ehf. Þetta staðfesti Björn í samtali við fréttastofu.

„Ég vil bara hafa áhrif á það að hér á landi sé rekið gott dagblað,“ segir Björn.

„Ef ég get haft einhver áhrif á það að koma Reyni Traustasyni frá þá er það hið besta mál. Hann er stórhættulegur mannorðsmorðingi.“

Starfsmenn DV ehf. hafa að undanförnu lýst yfir áhyggjum vegna væringa um eignarhald félagsins og lýsa þau því sem tilraun til fjandsamlegrar yfirtöku, þar sem ekki liggur ljóst fyrir hvaða aðilar það eru sem fjármagna kaupin. Þetta kemur fram í yfirlýsingu starfsmannafélags DV þann 15. ágúst.


Tengdar fréttir

Starfsmenn DV áhyggjufullir um stöðu sína

Telja þeir að fráfarandi stjórnarformaður, Þorsteinn Guðnason, sé mótfallinn því að DV greiði málskostnað og bætur vegna málaferla á hendur einstaka blaðamanni.



Fleiri fréttir

Sjá meira