Innlent

Staðan á gossvæðinu: Þrír möguleikar taldir líklegastir

Bjarki Ármannsson skrifar
Frá gosinu í Holuhrauni í morgun.
Frá gosinu í Holuhrauni í morgun. Vísir/Hörður Finnbogason
Vísindaráð almannavarna segir að engar vísbendingar séu um að á næstunni dragi úr ákafa atburðanna við Bárðarbungu. Enn séu þrír möguleikar taldir líklegastir varðandi framhaldið á svæðinu – að innflæði kviku stöðvist og ekki komi til annars eldgoss, eldgos hefjist á ný norðan Dyngjujökuls eða að eldgos hefjist að mestu eða öllu leyti undir jöklinum, með tilheyrandi jökulhlaupi og jafnvel sprengigosi með öskufalli.

Fundi vísindaráðs lauk fyrir stuttu og var þar farið yfir stöðuna varðandi gosið sem hófst við Holuhraun rétt eftir miðnætti. Hápunktur gossins er talinn hafa verið rétt fyrir klukkan eitt í nótt en hraunrennsli virðist hafa stöðvast um klukkan fjögur.

Töluvert dró úr skjálftavirkni á svæðinu þegar gosið hófst en fjöldi jarðskjálfta er nú aftur orðinn svipaður og undanfarna daga. Skjálfti að stærð 4,8 reið yfir við norðurbrún Bárðarbunguöskju rétt fyrir hádegi og annar að stærð 5,2 um klukkan hálfeitt. Viðvörunarstig Veðurstofu vegna alþjóðaflugs hefur verið lækkað í appelsínugult. Ekki er talið líklegt að aska berist upp í lofthjúpinn. Litakóði fyrir flug yfir Öskju er enn gulur.


Tengdar fréttir

Eldgos hefur ekki áhrif á flugumferð

"Við sjáum ekki á þessu stigi að þetta hafi áhrif á flug okkar. Hugsanlega yrðu minniháttar breytingar gerðar en ekki mikið meira en það.“

Fyrirspurnum frá flugfarþegum rignir inn

All­ir áætl­un­ar­flug­vell­ir lands­ins eru opn­ir og eins og staðan er núna þykir ólíklegt að gosið hafi áhrif á flugumferð, bæði til og frá landinu og innanalands. Upplýsingafulltrúi Icelandair segir þó að fyrirspurnum frá flugfarþegum rigni inn.

Gosið hófst upp úr miðnætti

„Það eru sömu upplýsingar og við erum að fá,“ segir Rögnvaldur Ólafsson í Samhæfingarmiðstöð Almannavarna í samtali við Vísi aðspurður hvort gosið hafi minnkað töluvert.

Sérfræðingur Veðurstofunnar: Sprungan er nokkur hundruð metra löng

"Það sem við vitum núna er að við höfum fengið staðfestingu um eldgos í gegnum vefmyndavélar ,“ segir Melissa Anne Pfeffer, sérfræðingur á sviði ösku- og efnadreifingar, í samtali við Vísi í nótt en hún var stödd í höfuðstöðvum Veðurstofu Íslands.

Fundað í samhæfingarmiðstöðinni

Á annan tug manns eru mættir til vinnu í Samhæfingarmiðstöð almannavarna í Skógarhlíð sökum þess að eldgos er hafið í Holuhrauni á milli Dyngjujökuls og Öskju norðan við Vatnajökul.

Flugu yfir gosstöðvarnar í morgun

Kristján Þór Kristjánsson flaug yfir gosstöðina í Holuhrauni í morgun. Með í för var myndatökumaðurinn Hörður Finnbogason sem tók meðfylgjandi myndband og ljósmyndir. Eins og sést hefur greinilega dregið nokkuð úr gosinu frá því þegar mest var í nótt.

„Þetta er aktívt gos“

Þetta er rólegt gos akkúrat núna, segir Bergþóra Njála Guðmundsdóttir, sem er í fjölmiðlateymi Samhæfingastöðvarinnar í Skógarhlíð.

Hér er gosið

Myndin er unnin af Ingibjörgu Jónsdóttur hjá Jarðvísindastofnun upp úr gögnum NASA og USGS.




Fleiri fréttir

Sjá meira


×